الەمدەگى 2023 -جىلعى ەڭ باي ادام انىقتالدى
LVMH باسشىسىنىڭ تابىسى مەن اكسيالارى رەكوردتىق جوعارى دارەجەدە تۇر. وسىلايشا ارنونىڭ بايلىعى كەيىنگى 12 ايدا 53 ميلليارد دوللارعا ءوسىپ، 211 ميلليارد دوللارعا جەتكەن. بۇل ميللياردەرلەر اراسىنداعى ەڭ كوپ تابىس كورسەتكىشى.
بۇرىن كوش باسىندا تۇرعان Tesla جانە SpaceX كومپانيالارىن باسقاراتىن جانە Twitter كومپانياسىنىڭ يەسى يلون ماسك ەكىنشى ورىنعا ءتۇستى. 2022 -جىلمەن سالىستىرعاندا ماسك 39 ميلليارد دوللارعا دەيىن جوعالتتى. قازىر ونىڭ مۇلكى 180 ميلليارد دوللار دەپ باعالانىپ وتىر.
ءۇشىنشى ورىندا 114 ميلليارد دوللار قارجىسى بار امەريكالىق Amazon كورپوراتسياسىنىڭ نەگىزىن قالاۋشى دجەفف بەزوس بار.
بۇرىن Forbes رەيتينگىندە ەكىنشى ورىندا تۇرعان بەزوس Amazon اكسيالارى % 38- عا قۇلاعاندىقتان 57 ميلليارد دوللارىن جوعالتىپ، ءۇشىنشى ورىنعا تومەندەدى.
سونىمەن قاتار جاھاننىڭ ەڭ باي ادامدارىنىڭ وندىعىنا Oracle كورپوراتسياسىنىڭ نەگىزىن قالاۋشىلاردىڭ ءارى باسشىلارىنىڭ ءبىرى امەريكالىق لارري ەلليسون ($107 ميلليارد)، امەريكالىق Berkshire Hathaway كومپانياسىنىڭ ينۆەستيتسيالىق قورىنىڭ باسشىسى ۋوررەن باففەت ($106 ميلليارد)، امەريكالىق Microsoft كومپانياسىنىڭ نەگىزىن قالاۋشى بيلل گەيتس ($104 ميلليارد)، امەريكالىق كاسىپكەر جانە ساياساتكەر مايكل بلۋمبەرگ ($94,5 ميلليارد)، مەكسيكالىق كاسىپكەر كارلوس سليم ەلۋ ($93 ميلليارد)، ءۇندىستاندىق Reliance Industries باسشىسى مۋكەش امباني ($83,4 ميلليارد) مەن امەريكالىق Microsoft كومپانياسىنىڭ بۇرىنعى باس ديرەكتورى ستيۆەن بالمەر ($80,7 ميلليارد) ەندى.
اۆتور
بالنۇر قوجاگەلدى
