2022 -جىلى قازاقستاندىقتار قانشا كۇن دەمالادى
سونىمەن ەلىمىزدە قاڭتاردىڭ 1 مەن 2 ءسى كۇندەرى جاڭا جىلعا وراي رەسمي تۇردە دەمالىس كۇنى سانالادى. ال 2022 -جىلدارى بۇل كۇندەر سەنبى مەن جەكسەنبىگە ءدوپ كەلىپ تۇر. دەمەك، 3 مەن 4 ءى دۇيسەنبى مەن سەيسەنبى دە قازاقستاندىقتار ءۇشىن دەمالىس بولادى. ويتكەنى، مەرەكە كۇندەرى سەنبى مەن جەكسەنبىگە تۋرا كەلگەندە دەمالىس كەلەسى كۇندەرگە سوزىلادى.
قازاقستاندا 2 ءدىني مەرەكە كۇندەرى دەمالىس دەپ جاريالانعان. كەلەر جىلدىڭ 7-قاڭتارى روجدەستۆو مەرەكەسى جۇما كۇنىنە ءتۇسىپ، 7، 8، 9 قاڭتار دەمالىس كۇنى بولادى. جوعارىدا اتالعان پرەمەر- ءمينيستردىڭ قاۋلىسىنا سايكەس، 2022 -جىلعى 5-ناۋرىز سەنبىدەن 2022 -جىلعى 7-ناۋرىزداعى دۇيسەنبىگە اۋىستىرىلعان بولاتىن. وسىعان وراي ناۋرىزدا قازاقستاندىقتار حالىقارالىق ايەلدەر كۇنىنە وراي 6، 7، 8 كۇندەرى، ال ناۋرىز مەيرامىندا 19-23 ارالىعىندا 5 كۇن دەمالادى.
مامىردا قازاقستاندىقتار 3 مەرەكەنى اتىپ وتەدى. اتاپ ايتقاندا، 1-مامىر - قازاقستان حالقىنىڭ بىرلىگى مەرەكەسى جەكسەنبىگە كەلگەندىكتەن 2-مامىر دا دەمالىس كۇنى سانالادى. ال 7-مامىر وتان قورعاۋشىلارى كۇنىمەن 9-مامىر جەڭىس كۇنىنە وراي 4 كۇن دەمالىس بولادى.
6-شىلدە استانا كۇنى سارسەنبىدە جانە قۇربان ايتتىڭ ءبىرىنشى كۇنى وتەتىن 20-شىلدە سارسەنبى كۇندەرى دە دەمالىس بولىپ سانالادى. كونستيتۋتسيا كۇنى اتالىپ وتىلەتىن 30-تامىز كەلەسى جىلى سەيسەنبىگە تۋرا كەلەدى. سوندىقتان جوعارىدا اتالعان ۇكىمەت باسشىسىنىڭ قاۋلىسىمەن 2022 -جىلعى 27-تامىز سەنبىدەن 2022 -جىلعى 29-تامىز دۇيسەنبىگە اۋىستىرىلعان.
ال قازاقستاندىقتار 1-جەلتوقساندا قازاقستاننىڭ تۇڭعىش پرەزيدەنتى كۇنىن اتاپ وتەدى. ياعني، بەيسەنبىدە دەمالادى. سونداي- اق تاۋەلسىزدىك كۇنىنە وراي 16 سىنان 19 ىنا دەيىن دەمالىس بولادى.
