تانىمال ءۇندىستاندىق استرولوگ 2021 - جىلى قازاقستان باقۋاتتى ءومىر سۇرەتىنىن بولجادى

استانا. قازاقپارات - ءۇندىستاننىڭ تانىمال استرولوگى بحارات تحامبي الداعى ءۇش جىل قازاقستان ءۇشىن اۋىر بولاتىنىن بولجادى.

 سودان كەيىن ەلىمىزدىڭ وركەندەۋى باستالادى ەكەن، ال 2021 - جىلى ءبىز باقۋاتتى ءومىر سۇرەدى ەكەنبىز، دەپ جازادى «ەكسپرەسس ك» باسىلىمى.

 بولجاۋشىنىڭ ايتۋىنشا، ءبىز تەڭگە باعامىنىڭ وزگەرىسىنە ەش الاڭداماۋىمىز كەرەك. «قازاقستان قازىر شولپان جۇلدىزىنىڭ ىقپالىندا تۇر. بۇل ءسىزدىڭ مەملەكەت سىرتقى فاكتورلار مەن باسقا مەملەكەتتەردىڭ ساياساتىنا تاۋەلدى ەكەنىن كورسەتەدى. ال ءۇش جىلدان كەيىن باسقا استرولوگيالىق كەزەڭ باستالادى دا، سىزدەر وركەندەي باستايسىزدار. ال 2021 - جىلى سىزدەردىڭ مەملەكەتتەرىڭىز داميدى. استرولوگيالىق كارتاعا قاراپ وتىرىپ مەن قازاقستاندى ءبىر جارىقتىڭ جەبەپ وتىرعانىن كوردىم. جۇلدىزدار ماعان بۇل جەردە سارقىلماس مۇناي مەن ۋراننىڭ جاڭا كەن ورىندارى تابىلاتىنىن كورسەتتى»، - دەيدى استرولوگ.