13:10, 17 - قازان 2019 | GMT +5
نۇر-سۇلتان اۋەجايىنىڭ كودى 2020 -جىلعى قاڭتاردا وزگەرەدى
نۇر-سۇلتان. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى نۇر-سۇلتان اۋەجايىنىڭ كودى قاشان وزگەرەتىنىن ءمالىم ەتتى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.
قازىر اۋەجايدىڭ ءۇش ارىپتەن تۇراتىن كودىن وزگەرتۋ بويىنشا جوسپارلى جۇمىس ءجۇرىپ جاتىر.
«بيىل 14 -قازان كۇنى ۆارشاۆادا (پولشا) IATA جولاۋشى تاسىمالداۋ ستاندارتتارى جونىندەگى جينالىسى (Passenger Standards Meeting) وتىرىس وتكىزدى. وعان IATA- نىڭ بارلىق مۇشەسى قاتىستى. شارادا قازاقستاننىڭ IATA-نىڭ №763-قارارىنا وزگەرتۋلەر ەنگىزۋ جونىندەگى باستاماسى قولداۋ تاپتى. بۇل نۇر-سۇلتان اۋەجايىنىڭ ءۇش ارىپتەن تۇراتىن كودىن (TSE) وزگەرتۋگە مۇمكىندىك بەرەدى»، - دەلىنگەن حابارلامادا.
قازىر استانا اۋەجايىنىڭ جاڭا كودىنا بىرنەشە نۇسقا ۇسىنىلعان. سوڭعى نۇسقا تالقىلانىپ جاتىر.
763-قارارعا وزگەرتۋ ەنگىزۋ ءبىراز ۋاقىتتى قاجەت ەتەدى. مينيسترلىكتىڭ مالىمدەۋىنشە، وزگەرىستەر 2020 -جىلدىڭ قاڭتارىندا كۇشىنە ەنۋى قاجەت. سودان كەيىن IATA كودتىڭ سوڭعى نۇسقاسىن بەكىتەدى.
