استانادا وتەتىن حالىقارالىق كورمەگە «ەكسپو-2020» ۇيىمداستىرۋشى ەل قىزىعۋشىلىق تانىتتى
ولاردىڭ وكىلدەرى ەكسپو-2017 وتكىزۋ كەزىندە تەحنيكالىق جابدىقتاۋ جانە قاۋىپسىزدىك شارالارى ماسەلەلەرى بويىنشا قازاقستاندىق ارىپتەستەرىمەن كەلىسسوزدەر جۇرگىزۋدە.
بۇل تۋرالى «استانا ەكسپو-2017» ۇلتتىق كومپانياسى ءتوراعاسىنىڭ ورىنباسارى مۇرات وماروۆ حابارلادى، دەلىنگەن كورمە سايتىندا.
سونداي-اق م. وماروۆ استاناداعى ەكسپو-نىڭ قۇرىلىسىنا 4000 عا جۋىق ادام تارتىلعانىن، ولاردىڭ %90 قازاقستان ازاماتتارى ەكەنىن حابارلادى. كورمە كەشەنىنىڭ عيماراتى BREEM حالىقارالىق ە ك و-ستاندارتتارى بويىنشا سەرتيفيكاتتالادى. ۇلتتىق كومپانيا وكىلىنىڭ مالىمدەۋىنشە، ەنەرگيا رەسۋرستارىنىڭ باعاسى تۇراقسىز بولعان كەزەڭدە ءتيىمدى ەنەرگيا تەحنولوگياسىنا باسا نازار اۋدارعان ءجون.
«قازىر مۇنايدىڭ باعاسى تومەندەپ، الەم ادامزاتقا ەكولوگيالىق ماسەلەلەردى شەشۋگە سەپتىگىن تيگىزەتىن جاڭا تەحنولوگيالىق توڭكەرىس قارساڭىندا تۇر. وسىعان وراي، الداعى ەكسپو-نىڭ تاقىرىبى - «بولاشاقتىڭ ەنەرگياسى» قازاقستاندىقتارعا بولاشاقتا قولدانۋعا بولاتىن باعا جەتپەس تاجىريبە مەن جاڭا ءبىلىم بەرەدى»، - دەدى مۇرات وماروۆ.
ءوز كەزەگىندە، «استانا ەكسپو-2017» ۇلتتىق كومپانياسى كورمەنى ۇيىمداستىرۋ جانە وتكىزۋ ماسەلەلەرى بويىنشا ميلان تاجىريبەسىنە اسا قىزىعۋشىلىق تانىتتى.
ايتا كەتەيىك، 2015-جىلى 1- مامىردان باستاپ 31- قازانعا دەيىن ميلاندا «پلانەتا ازىعى. ءومىر ءۇشىن ەنەرگيا» تاقىرىبىمەن بۇكىل الەمدىك كورمە وتەدى، وندا قازاقستاننىڭ پاۆيلونى ۇسىنىلادى.
