سايلاۋ-2019: ءامىرجان قوسانوۆ داۋىس بەردى

ءامىرجان قوسانوۆ نۇر-سۇلتانداعى №57 -سايلاۋ ۋچاسكەسىندە ءوز تاڭداۋىن جاسادى.

«الەم وزگەرەدى، ەل وزگەرەدى. قازىر ەسكى ادەستەرمەن جاڭا سايلاۋ وتكىزۋ مۇمكىن ەمەس. جاڭا سايلاۋلار اشىق تۇردە وتۋگە ءتيىس. سايلاۋ ءادىل وتكەندە عانا جاڭا پرەزيدەنت تە وزىنە سەنىمدى بولادى، قازاق حالقىنىڭ بولاشاعىنا دا سەنىممەن قارايدى. جەتى ۇمىتكەردىڭ ءارقايسىنىڭ پرەزيدەنت بولاتىنى جايلى ايتۋعا مۇمكىندىگى بار. بۇل - زاڭدى. ەگەر ۇمىتكەر جەڭىستەن قورقاتىن بولسا، سايلاۋعا قاتىسۋدىڭ قاجەتى جوق»، - دەدى ءامىرجان قوسانوۆ جۋرناليستەرگە بەرگەن سۇحباتىندا.

ايتا كەتەيىك، پرەزيدەنتتىككە ۇمىتكەر سايلاۋ ۋچاسكەسىنە جۇبايىمەن كەلدى.

ق ر و س ك-نىڭ سوڭعى مالىمەتتەرىنە سۇيەنسەك، ساعات 12:00-گە دەيىن ق ر كەزەكتەن تىس پرەزيدەنت سايلاۋىندا ەلىمىز بويىنشا %35 سايلاۋشى داۋىس بەرگەن.