قازاقستاندىق روليك - 2018-جىلعى ساياحات تۋرالى ۆيدەولاردىڭ ۇزدىك وندىعىندا
«ءبىز قايدا ۇشىپ بارامىز؟» اتتى تانىمال روليك Kazakh Tourism مەن ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ بىلتىر قىركۇيەكتەگى تاپسىرىسى بويىنشا Euronews تەلەارناسىندا كورسەتۋ ءۇشىن تۇسىرىلگەن.
ول قازاقستاندىقتار اراسىندا تانىمالدىلىققا يە بولدى، كەيىن شەت ەلدەرگە كەڭىنەن تارالدى. بۇل جولى Tutu.ru رەسەيلىك سايتىنىڭ تۇجىرىمى بويىنشا 2018-جىلعى ساياحات تۋرالى ۆيدەولاردىڭ ۇزدىك وندىعىنا كىردى.
«تۋريستىك باعىتتاعى جارنامالىق روليكتەر - جەكە ۆيدەوجانر. ادەتتە ولاردىڭ ءبارى بىردەي بولىپ كەلەدى: تابيعاتتىڭ سۇلۋ بەينەسى، كوپتەردەن تۇسىرىلگەن تاسپالار، تاماقتاردى جاقىننان ءتۇسىرۋ، كۇلىمسىرەگەن قىزدار. بۇل روليكتىڭ اۆتورلارى قاي ەلدىڭ جارنامالانىپ جاتقانىن سوڭىنا دەيىن ايتپايدى. ءسىز «وسى اسەم سۇلۋلىقتىڭ» قايدا ەكەنىن تابۋعا ۇمتىلاسىز. سوڭىندا بىلگەن كەزدە تاڭعالاسىز»، - دەپ جازدى سايتتىڭ باس رەداكتورى تيمۋر يۋسۋپوۆ.