11:21, 23 - تامىز 2018 | GMT +5
ازيادا-2018: بۇگىنگى كۇن قولا مەدالمەن باستالدى
استانا. قازاقپارات - يندونەزيادا ءوتىپ جاتقان جازعى ازيا ويىندارىنىڭ بەسىنشى جارىس كۇنى ءساتتى باستالدى، دەپ حابارلايدى قازاقپارات ءتىلشىسى.
ق ر ۇ و ك- ءنىڭ باسپا ءسوز قىزمەتى ءمالىم ەتكەندەي، بۇگىن پالەمبانگتا اكادەميالىق ەسۋدەن فينالدىق باسەكەلەر باستالدى. ناتيجەسىندە ايەلدەر اراسىنداعى جەكەلەي سىندا قازاقستاندىق الەكساندرا وپاچانوۆا مارە سىزىعىن ءۇشىنشى بولىپ كەسىپ، ازيا ويىندارىنىڭ قولا جۇلدەگەرى اتاندى.
ول قىتاي جانە تايپەي سپورتشىلارىن العا جىبەرىپ، مارەگە ءۇشىنشى بولىپ كەلدى.
وسىلايشا، بۇگىنگى جارىس كۇنىندەگى العاشقى مەدال قورجىندا. بۇل اكادەميالىق ەسۋدەن بيىلعى ازيا ويىندارىندا جەڭىپ العان تۇڭعىش جۇلدەمىز.
اۆتور: كۇنسۇلتان وتارباي
