08:06, 23 - تامىز 2018 | GMT +5
ازيادا-2018: قازاق بالۋانى كۇمىس جۇلدەگەر اتاندى
استانا. قازاقپارات - يندونەزيادا ءوتىپ جاتقان جازعى ازيا ويىندارىندا كەشە گرەك-ريم كۇرەسىنەن ەل نامىسىن قورعاعان اسا اۋىر سالماقتاعى نۇرماحان تىناليەۆ كۇمىس جۇلدەنى جەڭىپ الدى، دەپ حابارلايدى قازاقپارات ءتىلشىسى.
ق ر ۇلتتىق وليمپيادالىق كوميتەتتىڭ باسپا ءسوز قىزمەتى ءمالىم ەتكەندەي، گرەك-ريم كۇرەسىنەن اسا اۋىر سالماقتا بەلدەسكەن نۇرماحان تىنالييەۆ فينالدا وزبەكستاندىق مومىنجان ابدۋللايەۆقا ەسە جىبەرىپ، كۇمىس جۇلدەنى قاناعات تۇتتى.
بەلدەسۋ 8:0 ەسەبىمەن قارسىلاستىڭ پايداسىنا اياقتالدى. وتانداسىمىز شيرەك فينالدا - يندونەزيا، جارتىلاي فينالدا جاپونيا سپورتشىسىنان باسىم تۇسكەن بولاتىن.
وسى ورايدا ايتا كەتەيىك، نۇرماحان تىناليەۆ 2010 جانە 2014 -جىلعى ازيا ويىندارىنىڭ چەمپيونى اتانعان بولاتىن.
ەستەرىڭىزگە سالا كەتەيىك، وسىعان دەيىن گرەك-ريم كۇرەسىنەن ءۇش بالۋانىمىز قولا مەدال جەڭىپ العان بولاتىن.
