وليمپيادا-2018: بۇگىنگى جارىستار كەستەسىندە وزگەرىستەر ورىن الدى

پحەنچحان. قازاقپارات - بۇگىن پحەنچحاندا قاتتى جەل سوعىپ تۇر. سوعان بايلانىستى تاۋ شاڭعىسىنىڭ جارىستارى كەيىنگە شەگەرىلدى، دەپ حابارلايدى قازاقپارات ءتىلشىسى.

بۇگىن اتالعان سپورت تۇرىنەن ەل نامىسىن قورعاپ جاتقان قازاقستاندىق سپورتشى ماريا گريگوروۆا جارىس جولىنا شىعۋى ءتيىس بولاتىن. الايدا، اۋا رايىنىڭ قولايسىزدىعىنا بايلانىستى وليمپيادا ويىندارىن ۇيىمداستىرۋ كوميتەتى جارىس كەستەسىن 16 -اقپانعا اۋىستىردى.

وتانداسىمىز كەشەگى جوسپار بويىنشا بۇگىن استانا ۋاقىتىمەن 10:15 ىرىكتەۋ سىنىنا، ال ودان سۇرىنبەي وتسە 15:45-تە فينالدىق سىندا ونەر كورسەتۋى كەرەك بولعان.

سونىمەن، بۇگىن قازاقستاندىق سپورتشىلار پحەنچحان وليمپياداسىندا تەك ەكى سپورت تۇرىنەن سىنعا تۇسەدى. ولار بياتلونشىلار مەن كونكيشىلەر.

  

كۇنسۇلتان وتارباي