ازيادا-2018: ەل قورجىنىنا 6- التىن مەدال ءتۇستى

استانا. قازاقپارات - يندونەزيادا ءوتىپ جاتقان جازعى ازيا ويىندارىندا بۇگىن قازاقستان قورجىنىنا 6- التىن مەدال ءتۇستى، دەپ حابارلايدى قازاقپارات ءتىلشىسى.

ق ر ۇلتتىق وليمپيادىلق كوميتەتتىڭ باسپا ءسوز قىزمەتىنىڭ مالىمدەۋىنشە، بۇگىن جاكارتاداعى جارىستا كاراتەدەن 68 كەلىدە سىنعا تۇسكەن گۋزاليا عافۋروۆا ازيا ويىندارىنىڭ چەمپيونى اتانىپ، ەل قورجىنىنا 6- التىن مەدالدى سادى.

ول فينالدا قىتايلىق سپورتشى تاڭ ليڭليڭدى ۇتىپ كەتتى.

ەستەرىڭىزگە سالا كەتەيىك، گۋزاليا ءبىرىنشى اينالىمدا وزبەكستاندىق قارسىلاسىن 3:0 ەسەبىمەن جەڭدى. ەكىنشى اينالىمدا قازاقستاندىق سپورتشى يران وكىلىنەن باسىم ءتۇستى.

ال جارتىلاي فينالدا ۆەتنامدىقپەن كەزدەسكەن عافۋروۆا 8:5 ەسەبىمەن جەڭىسكە جەتتى.

ايتا كەتەيىك، قازاقستان قۇراماسى يندونەزيادا ءوتىپ جاتقان ازيادا-2018 ويىندارىنىڭ جالپى قورىتىندىسى بويىنشا 6 التىن، 8 كۇمىس جانە 28 قولا مەدالمەن جالپى ەسەپتە 11- ورىندى ساقتاپ تۇر.

اۆتور: كۇنسۇلتان وتارباي