10:59, 23 - قاڭتار 2018 | GMT +5
اۋە كومپانيالارى 2017-جىلى رەكوردتىق دەڭگەيدە جولاۋشىلار تاسىمالدادى
استانا. قازاقپارات - 2017-جىلى بۇكىل الەمدەگى اۋە كومپانيالارى 37 ميلليون رەيستى ىسكە اسىرىپ، جولاۋشى تاسىمالىن رەكوردتىق دەڭگەيگە جەتكىزگەن.
ياعني بىلتىر ۇشاق كومەگىنە جۇگىنگەن جولاۋشىلار سانى 4,1 ميللياردقا جەتتى. بۇل جايلى حالىقارالىق ازاماتتىق اۆياتسياسى ۇيىمىنا سىلتەمە جاساپ ب ۇ ۇ جاڭالىقتار سايتى حابارلايدى.
اسىرەسە ارزان ۇشاق بيلەتتەرىن ۇسىناتىن كومپانيالار قىزمەتىن پايدالانعان جولاۋشىلار سانى كۇرت ارتقان.
ساراپشىلار اۋە كولىگى جولاۋشىلارى سانىنىڭ ءوسىمىن بىلتىر الەم ەكونوميكاسىنىڭ جاقسارۋى جانە قىزمەت باعاسىنىڭ تومەندەۋىمەن بايلانىستىرىپ وتىر. ونىڭ ۇستىنە اۆياتسيا جانارمايىنىڭ باعاسى دا اسا قىمباتتاعان جوق.
اۋە تاسىمالدارىنىڭ ەڭ كوپ بولىگى - %37 ەۋروپانىڭ ۇلەسىنە تۋرا كەلەدى. ال سولتۇستىك امەريكالىق كومپانيالار بارلىق حالىقارالىق رەيستەردىڭ %13 ىن ىسكە اسىرعان.
