ەكسپو-2017: ماداگاسكار رەسپۋبليكاسى ۇلتتىق كۇنىن اتاپ ءوتتى

 ونىڭ ايتۋىنشا، بالامالى ەنەرگيانىڭ قاينار كوزى - ەلگە ينۆەستيتسيا تارتۋدىڭ تاپتىرماس مۇمكىندىگى.

« بالامالى ەنەرگيا كوزىنىڭ مۇمكىندىگى زور. كۇن ەنەرگياسى تۋرالى ايتار بولساق، ونىڭ قۋاتتىلىعى 2000كۆت/م2 قۇرايدى، ال كوپ وڭىرلەردە كۇن جىلىنا 2800 ساعات جانىپ تۇرادى. سونداي اق، جەل ەنەرگياسىنىڭ دا الەۋەتى جوعارى. جەل قۋاتىنىڭ شەگى 3 م/س ە ك- تان 25 م/س ە ك- قا دەيىن اۋىسادى. شەكتەۋدىڭ اياسىندا ەنەرگيا سولتۇستىك، وڭتۇستىك جانە باتىس ارالداردا وندىرىلە الادى. بۇل مۇمكىندىك ماداگاسكاردا بالامالى ەنەرگيا كوزدەرىنىڭ تابىستى دامۋى ءۇشىن ەش قيىندىقسىز قولدانىلا الادى»، - دەدى روبەرت راندريانيرينا.

ءوز كەزەگىندە، اقپارات جانە كوممۋنيكاتسيا مينيسترلىگىنىڭ جاۋاپتى حاتشىسى جانات قوجاحمەتوۆ، كورمە قوناقتارىنىڭ بالامالى ەنەرگەتيكانى دامىتۋ سالاسىمەن جاقىنىراق تانىسۋعا ەرەكشە مۇمكىندىكتەرى بار ەكەن اتاپ ءوتتى. « كورمەنىڭ بولاشاق ەنەرگياسىنا ارنالعان تاقىرىبى وتە وزەكتى. ءبىر جاعىنان كورمە قاتىسۋشىلارى « جاسىل ەكونوميكا» مەن بالامالى ەنەرگەتيكانى دامىتۋ سالالارىنداعى جاڭا ۇردىستەرمەن تانىسا الادى»، - دەدى جانات قوجاحمەتوۆ.

ايتا كەتەيىك، ماداگاسكار پاۆيلونىنىڭ قۇرىلىمى ەلدىڭ ەنەرگەتيكالىق مۇمكىندىگىن اشادى. وندا كۇن جانە جەل ەنەرگەتيكاسىن دۇرىس قولدانۋدىڭ زاماناۋي تەحنولوگيالارى تانىستىرىلعان.