وسكەمەننەن استاناعا جاياۋ جول تارتقان قانداسىمىز ەكسپو -2017 كورمەسىنە جەتتى
جەلاياقتى، استانادان جانكۇيەرلەرى مەن جۋرناليستەر قاۋىمى كۇتىپ الدى. الەم كوز تىككەن استاناداعى ەكسپو-2017 كورمەسىن قولداۋ ماقساتىندا 1000 شاقىرىمنان استام جولدى ارتقا تاستاعان وسكەمەندىك مارەگە 16 كۇندە جەتىپتى.
«مەجەلەگەن ۋاقىتتا استاناعا جەتكەنىمە قۋانىشتىمىن. ءبارى ويداعىداي جۇزەگە استى. العاشقى كۇندەرى اياعىم اۋرىپ، سىرەسىپ دەگەندەي قيىندىقتار بولدى. بىرتىندەپ ۇيرەنىپ كەتتىم. كەيدە دالادا، كەيدە قۇدايى قوناق بولىپ جولداعى اۋىلدارعا قونىپ وتىردىق. كۇنىنە 60-80 شاقىرىم جول ءجۇرىپ وتىرۋعا تۋرا كەلدى. بۇل ەڭبەگىمدى ەلىمىزدى الەمگە تانىتاتىن ۇلكەن شاراعا قوسقان ازدا بولسا ۇلەسىم دەپ بىلەمىن»، - دەيدى عالىمجان توقتار ۇلى.
ەستەرىڭىزگە سالا كەتسەك، ول «ەكسپو-2017» كورمەسىنىڭ قۇرمەتىنە وراي استاناعا دەيىن جاياۋ جۇگىرىپ بارۋ ءۇشىن 26 - مامىر كۇنى جولعا شىققان. عالىمجان توقتار وسكەمەن قالاسىنداعى حالىققا قىزمەت كورسەتۋ ورتالىعىندا ينسپەكتور بولىپ جۇمىس ىستەيدى. ول 6 ماۋسىمدا ەكىباستۇزعا جەتىپ، تۇرعىنداردى قالانىڭ 60 جىلدىق مەرەيتويىمەن قۇتتىقتادى.
اۆتور: ريزابەك نۇسىپبەك ۇلى
