ەكسپو-2017: پاۆيلونعا كىرگەن قوناقتار سينگاپۋردىڭ تروپيكالىق ورمانىندا جۇرگەندەي بولادى - فوتو
تەرراريۋم ۇلگىسىندە جاسالعان پاۆيلوندا تۇراقتى ەنەرگەتيكا سالاسىنداعى ءارتۇرلى يدەيالار مەن يننوۆاتسيالار كورسەتىلەدى، دەپ حابارلايدى قازاقپارات ءتىلشىسى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
پاۆيلونعا كىرگەن بويدا قوناقتار سينگاپۋردىڭ تروپيكالىق ورمانىندا جۇرگەندەي بولادى. ودان كەيىن مۋلتيمەديالىق ەكراندار ارقىلى سينگاپۋردىڭ ەنەرگيا سالاسىنداعى تاريحىمەن تانىسۋعا مۇمكىندىك بار. اتالعان مەملەكەت شاعىن كولەمىنە قاراماستان، كوپتەگەن يننوۆاتسيالىق شەشىمدەردى ويلاپ تاپتى. جوعارعى الاڭقايعا كوتەرىلگەندە وسى شەشىمدەرمەن قىسقاشا تانىسۋعا بولادى. سونىڭ ىشىندە كۇن ەنەرگياسىن ەنگىزۋگە ارنالعان باستامالار، ەنەرگيالىق تيىمدىلىكپەن سالىنعان عيماراتتار جانە تاعى باسقا جوبالار بار.
بۇدان بولەك، تازا تەحنولوگيالاردىڭ نەگىزىندە ىستەيتىن كومپانيالاردىڭ جۇمىسى - ەنەرگيانى تاراتۋ جانە قولدانۋعا قاتىستى تاجىريبەسى تانىستىرىلادى. سينگاپۋردا ويلاستىرىلعان جانە جۇزەگە اسىرىلعان شەشىمدەر، جوعارى تەحنولوگيالىق كوممۋنيكاتسيالىق قۇرىلعىلارمەن كورسەتىلەدى. ال جىلىجاي ۇلگىسىندەگى تەرراريۋمگە كەلۋشىلەر تىلەك جازىپ كەتە الادى. ودان كەيىن سوزىلاتىن اتريۋمدا كىتاپ وقۋعا، دەمالۋعا جانە ويلانۋعا جاعداي جاسالادى.
سينگاپۋر پاۆيلونىنىڭ ساۋلەتشىسى - تانىمال ارحيتەكتور رەندي چەن مىرزا. پاۆيلوننىڭ جالپى اۋماعى - 385 شارشى مەتر. پاۆيلون ەكسپو-2017 كورمەسىنىڭ رەسمي اشىلۋىنان ءبىر كۇن بۇرىن، 2017 -جىلى 8 - ماۋسىمدا اشىلادى. اشىلۋ سالتاناتىندا حورەگرافيالىق ۇجىمدار ونەر كورسەتىپ، الدىن الا ەكسكۋرسيا وتكىزىلەدى. سودان سوڭ رەسمي قابىلداۋ ۇيىمداستىرىلادى. ال 25 - شىلدەدە سينگاپۋردىڭ ۇلتتىق كۇنى اتاپ وتىلەدى.
اۆتور: ارمان اسقاروۆ 
