ەكسپو-2017 كورمەسىندەگى قىتايلىق پاۆيلوننىڭ سەرىكتەستەرى انىقتالدى
دەپ حابارلايدى «قازاقپارات» ح ا ا ق ح ر- داعى مەنشىكتى ءتىلشىسى.
قىتايدىڭ مەملەكەتتىك ەلەكترجەلىلىك كومپانياسى جانە قىتاي ەنەرگەتيكالىق كومپانياسى ەكسپو-2017 قىتايلىق پاۆيلونىنىڭ «رەسمي سەرىكتەستەرى» اتاندى. قىتاي ۇلتتىق مۇناي- گاز كومپانياسى (CNPC)، ونەركاسىپتىك بانك جانە AVIC قىتاي مەملەكەتتىك اۆياتسيالىق كومپانياسى پاۆيلوننىڭ «التىن دەمەۋشىلەرى» اتاعىنا يە بولدى.
GCL كومپانياسى ەكسپو-2017 قىتايلىق پاۆيلونىنا ارنالعان «تاۋارلار مەن قىزمەتتەردى نەگىزگى جەتكىزۋشى» بولدى. شاراعا قىتايلىق بيزنەس وكىلدەرى، ب ا ق جانە ق ح ر- داعى ق ر ەلشىلىگىنىڭ Ⅱحاتشىسى دۋلات تابىلوۆ قاتىستى. قىتايدىڭ حالىقارالىق ساۋدا- ساتتىقتى قولداۋ كوميتەتى ءتوراعاسىنىڭ ورىنباسارى، قىتاي ۇكىمەتىنىڭ «ەكسپو-2017» كورمەسىندەگى وكىلى، قىتاي پاۆيلونىنىڭ كوميسسارى ۋاڭ جينچجەن قازاقپاراتقا بەرگەن سۇحباتىندا «قىتاي پاۆيلونىنداعى نەگىزگى دايىندىق جۇمىستارى ءساۋىر ايىنىڭ ورتاسىندا اياقتالاتىنىن» حابارلادى.
ەسكە سالا كەتسەك، 2017 -جىلدىڭ 5 - قاڭتارىندا قىتايدىڭ حالىقارالىق ساۋدا- ساتتىقتى قولداۋ كوميتەتى ەكسپو-2017 كورمەسىندەگى ءوز پاۆيلونىن تانىستىردى. قىتاي - قازاقستانمەن ەكسپو-2017 كورمەسىنە قاتىسۋ تۋرالى كەلىسىمگە قول قويعان العاشقى مەملەكەت. قىتاي پاۆيلونىنىڭ اۋماعى 1000 شارشى مەتردى قۇرايدى.
قىتايدىڭ 24 ءوڭىرى پاۆيلون اياسىندا تاقىرىپتىق كۇندەر وتكىزەدى: بەيجىڭ قالاسى (16-18 - ماۋسىم)، جياڭسۋ پروۆينتسياسى (20-22 - ماۋسىم)، جىجياڭ پروۆينتسياسى (23 - ماۋسىم)، حۋبەي پروۆينتسياسى (26 - ماۋسىم)، شىنجاڭ- ۇيعىر اۆتونوميالىق ولكەسى (28-30 - ماۋسىم)، شاڭحاي قالاسى (2-4- شىلدە)، شانشي (7-9 - شىلدە)، نيڭشيا (12 - شىلدە)، حىبىي (14-16 - شىلدە)، حۋنان (18-20 شىلدە) ، حيلۇڭ جياڭ (22 - شىلدە)، يۇننان (24 - شىلدە)، شانسي (27-29 - شىلدە)، شيڭحاي (1 - تامىز)، فۋجيان (3 - تامىز)، حىنان (8 -تامىز)، جياڭشي (10 - تامىز)، حاينان (14 - تامىز)، گانسۋ (16 - تامىز) ، گۋاڭدۇن (18-20 - تامىز)، ىشكى موڭعوليا (22-24 - تامىز)، انحۇي (28 - تامىز)، سىچۋان (31 تامىز)، شاندۇڭ (6-8 -تامىز).
