پرەزيدەنت كۋبوگىنا ارنالعان بوكس تۋرنيرى ەكسپو-2017-گە ارنالادى

استانا. قازاقپارات - بۇگىن ەلوردادا قازاقستان بوكس فەدەراتسياسىنىڭ ۆيتسە-پرەزيدەنتى يۋري سحاي مەن اتقارۋشى ديرەكتورى بەكجان بەكتەنوۆتىڭ توراعالىعىمەن فەدەراتسيا جاتتىقتىرۋشىلار كەڭەسىنىڭ وتىرىسى ءوتتى، دەپ حابارلايدى قازاقپارات.

«ەلىمىزدىڭ ۇلتتىق قۇراماسىنىڭ باس جاتتىقتىرۋشىسى مىرزاعالي ايتجانوۆ ا ي ب ا اكادەمياسى بازاسىندا كوماندانىڭ العاشقى وقۋ-جاتتىعۋ جيىنىن قورىتىندىلاپ، 2017 -جىلعا ارنالعان جوسپارلارمەن ءبولىستى. الدا ازيا جانە الەم چەمپيوناتتارى. سوندىقتان جاۋاپتى جارىستارعا بارىنشا تىڭعىلىقتى دايىندالۋ قاجەت. سونىمەن قاتار بوكسشىلاردىڭ ءبىرقاتار حالىقارالىق تۋرنيرگە قاتىسۋى دا جوسپارلانعان»، - دەلىنگەن فەدەراتسيا باسپا ءسوز قىزمەتى تاراتقان اقپاراتتا.

يۋري سحاي جاتتىعۋ پروتسەستەرى ساپاسىن ارتتىرۋعا، ۇزاقمەرزىمدى كەلەشەككە ارنالعان جوسپار تۇزۋگە، جاتتىقتىرۋشىلاردىڭ بىلىكتىلىگىن ارتتىرۋعا باسا نازار اۋدارتتى.

ونىڭ ايتۋىنشا، بىرنەشە جىلدان كەيىن ەرەسەكتەر اراسىندا قازاقستاننىڭ نامىسىن حالىقارالىق ارەنادا قورعاي تىن ۇلتتىق كوماندا رەزەرۆىنە ايرىقشا نازار اۋدارۋ قاجەت. ايتا كەتەرلىگى، ۆاديم پريسياجنيۋك جاتتىقتىراتىن ەلىمىزدىڭ قىزدار قۇراماسى سەربيادا وتكەن ۇلت كۋبوگى جىل سايىنعى تۋرنيرىندە تاماشا ونەر كورسەتىپ، جالپىكوماندالىق ەسەپتە ءبىرىنشى ورىن الدى. «اعىمداعى جىلدىڭ ماۋسىمىندا قازاقستان پرەزيدەنتى كۋبوگىنا ارنالعان ەرلەر مەن قىزدار اراسىنداعى تۋرنير وتەدى.

ول «ەكسپو-2017» دۇنيەجۇزىلىك كورمەسىنە ارنالادى. بۇل تۋرنير بوكس جانكۇيەرلەرى اراسىندا زور قىزىعۋشىلىق تۋدىرادى، ال سپورتشىلار جوعارى دەڭگەيدە تاجىريبە جيناقتايدى دەپ كۇتىلۋدە»، - دەلىنگەن تاراتىلعان اقپاراتتا.