ساۋلە مەن ءمولدىر «ادەمىلەنە» تۇسەتىن بولدى - ەكسپو-2017 كومپانياسى

استانا. قازاقپارات - «ەكسپو-2017» حالىقارالىق كورمەسى ساۋلە، ءمولدىر جانە قۋات اتتى بويتۇمارلاردى حالىقتىڭ سىنىن ەسكەرە وتىرىپ، قايتا جوندەيتىن بولدى، دەپ حابارلايدى قازاقپارات.

«ءبىز حالىقتىڭ پىكىرىن تىڭداپ، بويتۇمارلاردى قايتا جوندەۋدەن وتكىزگەننەن كەيىن بارىپ، ورناتپاقپىز. بويتۇمارلاردىڭ ءبىرىن بىرەۋلەر بۇزىپ كەتكەننەن كەيىن ونى حالىق سىناي باستادى. ءبىراق، ءبىز جەدەل ارەكەت ەتىپ، بويتۇمارلاردى ورنىنان اكەتتىك دە، دەمەۋشىلەرگە حالىقتىڭ سىنىن جەتكىزدىك»، - دەدى جۋرناليستەردىڭ سۇراعىنا جاۋاپ بەرگەن «استانا ەكسپو-2017» ۇلتتىق كومانياسىنىڭ ماركەتينگ دەپارتامەنتىنىڭ ديرەكتورى اللەن چايجۇنىسوۆ.

ەستەرىڭىزگە سالا كەتەيىك، ەكسپو-2017 كورمەسىنە وراي، «ساۋلە»، «ءمولدىر»، «قۋات» اتتى ءۇش بويتۇمار جاسالعان بولاتىن. «ساۋلە»، «ءمولدىر»، «قۋات» اتتى تۇمارلار كۇن، سۋ، جانە جەل ەنەرگياسىن، ۇشەۋى بىرىگىپ بولاشاقتىڭ ەنەرگياسىن بىلدىرەدى.

كەيىننەن، «ساۋلە» اتتى بويتۇماردىڭ «كەلبەتى» بۇلىنگەننەن كەيىن، ول قالا كوشەلەرىنەن جوعالعان بولاتىن.

اۆتور: كەنجەكەي توقتامۇرات قىزى