ەكسپو-2017: ۇيىمداستىرۋشىلار قانداي كادەسىي دايىنداپ جاتىر

كومپانيا 2016 -جىلدىڭ 1 -تامىزىنان باستاپ ليتسەنزيالاردى ىرىكتەپ جاتىر، ىرىكتەۋ اي سايىن وتەدى جانە ءساۋىر ايىنا دەيىن جالعاسادى. سوڭعى مالىمەتتەرگە سۇيەنسەك، كوميسسيا 12 كومپانيانى ىرىكتەپ العان. 12 كومپانيا 45 ءتۇرلى تاۋار شىعارادى.
كومپانيا ءقازىر اعاشتان، بىلعارىدان بۇيىم جاسايتىن كومپانيالاردان، كىشكەنە كادەسىيلار، ۇيالى جانە ىسكەرلىككە ارنالعان اكسەسسۋارلار، ويىنشىقتار، ۇلكەندەر مەن بالالاردىڭ كيىمدەرىن، زەرگەرلىك زاتتاردى، كونديتەرلىك ونىمدەردى، مۋزىكالىق اسپاپتار مەن اۆتوكولىككە ارنالعان اكسەسسۋارلار، سومكەلەر مەن ريۋكزاكتار، ىدىس-اياق شىعاراتىن كومپانيالاردان تاپسىرىس قابىلدايدى.
«برەندتى تاۋارلار كورمە اۋماعىنداعى فيرمالىق دۇكەندەردە، اۋەجايلاردا، ۆوكزال مەن ءىرى ساۋدا ورتالىقتارىندا ساتىلادى. ليتسەنزياسى بار ونىمدەردىڭ باعاسىن ساۋدا الاڭدارى اشىلعاننان كەيىن ريتەيل- وپەراتورلار بەلگىلەيدى»، - دەپ حابارلادى «استانا ەكسپو-2017» كومپانياسىنىڭ باسپا ءسوز قىزمەتى جىبەرگەن رەسمي جاۋاپتا.
كومپانيا سونداي- اق كورمەگە وراي تاڭدالعان «تۇمارلاردىڭ» ماعىناسىن ءتۇسىندىردى.
«ساۋلە»، «ءمولدىر»، «قۋات» اتتى تۇمارلار كۇن، سۋ، جانە جەر ەنەرگياسىن، ۇشەۋى بىرىگىپ بولاشاقتىڭ ەنەرگياسىن بولەدى.
تاليسمانداردى قازىر «بايتەرەك» مونۋمەنتىندە، ەكسپو كورمەسىنىڭ كەڭسەسىندە، «داۋلەت» سپورت كەشەنىنىڭ جانى مەن «كەرۋەن» ساۋدا ورتالىعىنىڭ الدىنان كورۋگە بولادى.
اۆتور: كەنجەكەي توقتامۇرات قىزى