ەكسپو -2017 كورمەسى اتاجۇرتىنا قونىس اۋداراتىن قانداستاردىڭ سانىن ارتتىرادى - اقىتبەك شەريزات ۇلى

«ەكسپو -2017» حالىقارالىق كورمەسىنە قاتىسقىسى كەلىپ ەلەڭدەپ وتىرعان قانداستارىمىزدىڭ سانى كوپ. سايتىمىزعا وقىرماندار تارابىنان «قازاقستاندا وتەتىن ەكسپو كورمەسى قاشان باستالادى؟ » ، «بيلەتتەردى قالاي الۋعا بولادى؟ » دەگەن سۇراقتار ءجيى قويىلىپ جاتادى. الدىن الا ۆيزا اشتىرۋعا كەزەككە تۇرىپ جاتقانداردىڭ دا قاراسى مول. بۇل ءوز كەزەگىنە قازاق ەلىنە ءبىرجولا قونىس اۋداراتىن قانداستاردىڭ سانىن ارتتىرادى دەپ ويلايمىن. ويتكەنى جول ءتۇسىپ اتاجۇرتىن ءبىر كورگەن قازاق بالاسى مىندەتتى تۇردە كوشىپ كەلگىسى كەلەدى» ، دەيدى ول.
سونىمەن بىرگە ول قازاقستانعا كەلەتىن شەتتەگى قانداستاردىڭ ەل ەكونوميكاسىنا ازدا بولسا ۇلەس قوساتىنىن ايتادى.
«تۋريست بۇل ءار- ءبىر ەل ءۇشىن ۇلكەن ەكونوميكالىق كىرىس. قازاقستانعا كەلەتىن قانداستارىمىزدا شەتتەن تاپقان قارجىسىن وسىندا كەلىپ جۇمسايدى. ءبىر كىشكەنە مىسال ايتايىن. جاقىندا ءبىر جەڭگەمىز استاعا بارىپ كەلدى. قايتارىندا تۋىس- تۋعاندارعا سالەمدەمە رەتىندە مىڭ دوللاردىڭ زاتىن الىپ كەلىپتى. بۇنىڭ ءوزى كوزگە كورىنبەيتىن قارجىلىق اينالىم» ، دەيدى اقىتبەك شەريزات ۇلى.
اۆتور: ريزابەك نۇسىپبەك ۇلى