استانانىڭ جاڭا تەمىرجول ۆوكزالى 2017 -جىلدىڭ مامىر ايىندا پايدالانۋعا بەرىلەدى
اتالعان جوبالاردى ىسكە اسىرۋ بارىسى جايلى «قازاقستان تەمىر جولى» ۇ ك» ا ق باسشىسى ق. الپىسبايەۆ باياندادى. ول قازىرگى تاڭدا استانانىڭ ۆوكزال كەشەنىنىڭ جانە تەمىرجول تورابىنىڭ ازىرلىگى 80 پايىز قۇرايتىنىن مالىمدەدى. قازىرگى ۋاقىتتا بەتون جۇمىستارى، عيماراتتىڭ مەتالل قاڭقاسىن قۇرۋ، شاتىر جۇمىستارى، عيماراتتىڭ جىلىتۋ بولىگىنىڭ قاسبەتتەرىن قاپتاۋ اياقتالدى، ورتالىقتان جىلىتۋ ىسكە قوسىلدى. كىرمە تەمىرجول ەستاكاداسىندا مەتالل ارالىق قۇرىلىستارىن قۇرۋ اياقتالدى، شۋىلدان قورعاۋ ەكرانىنىڭ تىرەك بولىكتەرى مەن مەتالل قۇرىلىستارىن مونتاجداۋ سوڭىنا تاياپ قالدى، جولدىڭ جوعارعى قۇرىلىسى سالىنىپ جاتىر.
ۆوكزالدىڭ كارنيزدەرىن قاپتاۋ جۇمىستارى، ۆوكزالدىڭ جىلىتىلمايتىن بولىگىنىڭ قاسبەتتەرىن ارلەۋ، اۋا الماستىرۋ جۇيەسىن مونتاجداۋ، سىرتقى ەلەكترمەن قامتۋ جۇمىستارى 90 پايىز اياقتالدى. ۆوكزال عيماراتىنىڭ ىشىندەگى ارلەۋ جۇمىستارى قارقىندى تۇردە جۇرگىزىلىپ جاتىر. 2017 -جىلدىڭ 1 - مامىرىنا قاراي ۆوكزال عيماراتىنداعى ليفتتەر مەن ەسكالاتورلاردى مونتاجداۋ، ىسكە قوسۋ جانە جوندەۋ، توڭىرەكتى اباتتاندىرۋ جانە كوگالداندىرۋ، سونىمەن قاتار ارلەۋ جۇمىستارىن اياقتاۋ جوسپارلانعان. ەلوردانىڭ جاڭا تەمىرجول ۆوكزالى اۋماعىنداعى ينجەنەرلىك كوممۋنيكاتسيالار مەن جول قۇرىلىسى جۇمىستارىنىڭ بارىسى تۋرالى استانا قالاسى اكىمىنىڭ ورىنباسارى ق. ايتمۇحامەتوۆ ەسەپ بەردى.
سونداي- اق مەردىگەر ۇيىمداردىڭ باسشىلارىنىڭ قۇرىلىس- مونتاجداۋ جۇمىستارىن اتقارۋ، جاڭا تەمىرجول ۆوكزالىن پايدالانۋعا بەرۋ قىزمەتىنىڭ جۇمىستارى تۋرالى ەسەپتەرى تىڭدالدى. اتالعان نىسان قۇرىلىسىندا شامامەن 1150 ادام جۇمىس ىستەيدى. استانانىڭ جاڭا تەمىرجول ۆوكزالىنىڭ وتكىزۋ قابىلەتى - تاۋلىگىنە 35 مىڭ جولاۋشى. كوشپەلى كەڭەس قورىتىندىسى بويىنشا ق ر پرەمەر- ءمينيسترىنىڭ ءبىرىنشى ورىنباسارى ا. مامين ۆوكزال كەشەنى مەن استانا ستانتسياسىنىڭ تەمىرجول تورابى قۇرىلىسىن اياقتاۋعا بايلانىستى ءبىرقاتار ناقتى تاپسىرمالار بەردى. ول اتالعان نىسانداردىڭ حالىقارالىق ەكسپو كورمەسى قارساڭىندا ساپالى ءارى ۋاقىتىلى تاپسىرىلۋىنىڭ ماڭىزدىلىعىن ايتىپ ءوتتى.
www.24.kz 
