ساۋەگەيلەر 2017-جىلعا قانداي بولجام جاساعان؟
نوسترادامۋس نە دەپتى؟
كەي زەرتتەۋشىلەر ورتاعاسىرلىق ساۋەگەي ميشەل نوسترادامۋستىڭ كەيبىر كاترەندەرىن (ءتورتتاعان ولەڭ تۇرىندە جازىلعان بولجامدار) سارالاي كەلە، ول 2017-جىلعا مىناداي بولجام ايتقان دەپ وتىر:
«يران مەن تۇركيانىڭ اراسىندا ۇلكەن قاقتىعىس تۋىندايدى.
بۇل جىلى مۇسىلماندار مەن حريستياندار اراسىندا سوعىس باستالۋى مۇمكىن.
لاتىن امەريكاسىندا حالىق جاپپاي باس كوتەرەدى.
ەۋرووداق ەكونوميكالىق، قارجىلىق داعدارىستان قينالادى. اسىرەسە يتالياعا ءتىپتى قيىن بولادى، وندا جۇمىسسىزدىق كوبەيەدى، نەسيە الۋ قيىندايدى.
ا ق ش جاڭا جىلعا جاڭا پرەزيدەنتپەن اياق باسادى. بۇل ەلدى باسقارۋ قيىنداي تۇسەدى.
ەۋرووداقتىڭ كۇش سالۋى ارقاسىندا رەسەي مەن ۋكراينا تاتۋلاسۋى مۇمكىن.
ادامزاتقا قاجەتتى رەسۋرستار ازايادى. جاھاندىق جىلىنۋ كۇشەيىپ، كوپتەگەن تابيعي اپاتتار ورىن الادى».
ۆانگا ايتقان دەسەدى
ايگىلى بولگار ساۋەگەيى ۆانگانىڭ بولجامدارى دا جاريالانىپ جاتىر. كەي زەرتتەۋشىلەردىڭ پايىمىنشا، ول 2017-جىلعا مىناداي بولجام جاساعان دەسەدى:
«الەمنىڭ ءار تۇكپىرىندەگى ءتۇرلى سوعىستاردىڭ كەسىرىنەن ەكونوميكالىق احۋال ناشارلايدى، كوپ جەردى اشتىق جايلايدى، ءومىر قيىنداي تۇسەدى. ءبىر ءىرى سوعىس باستالىپ، كوپ ادامداردىڭ ءومىرىن ۇزەدى.
كوپ ەلدەردە بيلىككە تالاس جولىنداعى كۇرەس كۇشەيەدى، كەيىن ول ازىق-تۇلىككە قاتىستى كۇرەسكە ۇلاسادى. ويتكەنى كوپ ەلدە اشتىق بولادى. ادامدار ادىلدىك پەن زاڭدىلىق دەگەندى ۇمىتادى، كۇرەس-تالاستا كىم كۇشتى بولسا، سول جەڭىسكە جەتەدى.
الەمدىك داعدارىس كۇشەيىپ، كوپتەگەن قيىندىقتار ورىن الادى. بۇل قيىندىقتان رەسەي الدىمەن شىعادى، كەيىن ول وزگە ەلدەردىڭ دە داعدارىستان شىعۋىنا جاردەمدەسەدى. قىتايمەن جانە ۇندىستانمەن ىنتىماقتاسا وتىرىپ، رەسەي الەمدەگى باستى جەتەكشى مەملەكەتكە اينالادى.
سيرياداعى جاعداي قيىنداي تۇسەدى. ەۋروپادا سوعىس باستالىپ، ول 3- دۇنيەجۇزىلىك سوعىسقا ۇلاسۋى مۇمكىن. مۇسىلماندارمەن ارادا سوعىس بولىپ، وندا يادرولىق قارۋ قولدانىلادى».
كەيسيدىڭ بولجامدارى
ەندى ءبىر زەرتتەۋشىلەر ⅩⅩ عاسىردا ءومىر سۇرگەن مەديۋم ەدگار كەيسيدى بىلاي دەپ «سويلەتىپ» جاتىر:
«كليمات قاتتى وزگەرىسكە ۇشىرايدى. تابيعاتى تۇراقتى جەرلەر مەن سۋبتروپيكتەردە تروپيكالىق كليمات ورنايدى.
جاپونيا، سولتۇستىك ەۋروپا، امەريكا تۇگەل، گرەنلانديانىڭ كوپ بولىگى سۋ استىندا قالادى. جەر سىلكىنىستەرى كوبەيەدى، كاريب تەڭىزىندە جاڭا ارالدار بوي كوتەرەدى. وڭتۇستىك امەريكادا كۇشتى جەر سىلكىنىستەرى ورىن الادى. الەم كارتاسى وزگەرەدى، ول ءوز كەزەگىندە ەكونوميكالىق جانە ساياسي بەتالىستاردى وزگەرتەدى.
2017-جىلى قازىرگىلەردەن د ن ك- سى مۇلدە وزگەشە، زاقىمدانعان جاعدايدا وزدىگىنەن تەز قالپىنا كەلە الاتىن جاڭا، مىقتى ادام تۇقىمى پايدا بولادى».
...مىنە، تاريحتا بۇرىنعى-سوڭعى وتكەن ايگىلى ساۋەگەيلەر 2017-جىلدىڭ قانداي بولماعى جونىندە وسىلاي دەگەن كورىنەدى. مۇنى ولاردىڭ بولجامىن زەرتتەۋشىلەر ايتىپ وتىر.
ارينە، الدا نە بولاتىنى ءبىر قۇدايعا عانا ايان. ەندەشە، الداعى ۋاقىتتار تەك قانا جاقسىلىعىن اكەلسىن دەپ تىلەيىك.
zamana.kz
