قازاقستان 2017-جىلى تۋريستەرگە بارۋعا ۇسىنىلعان الەم ەلدەرىنىڭ تىزىمىنە ەندى
قازاق ەلىنىڭ تىزىمگە ەنۋىنە بيىل استانادا ەكسپو حالىقارالىق كورمەسىنىڭ ءوتۋى ىقپال ەتكەن. «مۇنايلى مەملەكەتتەن ەكو-باعىتقا» دەپ اتاعان باسىلىم قازاقستان تۋرالى بەرگەن مالىمەتتىڭ تاقىرىبىن.
The New York Times بوراتتى دا تىلگە تيەك ەتكەن. «بورات تۋريستىك كارتاعا بەلگىلەپ كەتكەن ون جىلدان كەيىن، قازاقستان ۇلى جىبەك جولىنىڭ مەكەنى بولۋعا ۇمتىلۋدا»، - دەپ جازدى ولار.
استانادا قوناق ۇيلەردىڭ بوي كوتەرۋ قارقىنىن اتاپ وتكەن گازەت، ەلوردا ەنەرگەتيكا سالاسىنداعى كەلەشەك ماسەلەلەردى شەشۋ ماقساتىندا اعىمداعى جىلى «World Expo 2017»- ءنى وتكىزۋگە دايىندىق ۇستىندە ەكەندىگىن جازادى.
سونىمەن قاتار، يۋنەسكو-نىڭ دۇنيەجۇزىلىك مۇرالار تىزىمىنە ەنگەن قازاقستاننىڭ تيان-شان تاۋلارى دا ايتىلعان.
باسىلىم تۋريستەرگە بارۋدى ۇسىنعان 52 مەلەكەتتىڭ العاشقى ورنىندا كانادا، چيلي، ءۇندىستان، شۆەيتساريا، بوستۆانا، حورۆاتيا، ا ق ش، گەرمانيا، مەكسيكا ەلدەرى ورنالاسقان. باسىلىم 2017-جىلى وسى ەلدەردە بولاتىن قىزىقتى، ءارى ماڭىزدى وقيعالار، سونداي-اق كورۋگە تۇرارلىق تابيعي كورىكتى ورىندار جونىندە مالىمەتتەر بەرگەن.
