ەكسپو-2017 قوناقتارىنا اباي ولەڭدەرىنىڭ جيناعى سىيعا بەرىلەدى
دانىشپان اقىننىڭ قازاق، ورىس، اعىلشىن جانە قىتاي تىلدەرىندە باسىلعان ولەڭدەر جيناعى شەتەلدىك قوناقتارعا كادەسىي رەتىندە ۇسىنىلماق.
بۇل توپتامانىڭ ەرەكشەلىگى، ساياحاتشىلار ءۇشىن قويىنعا سالۋعا ىڭعايلى ەتىپ شىعارىلعان. جيناققا ابايدىڭ كەڭ تارالعان 62 ولەڭى ەنگەن. جەرگىلىكتى «سەمەي- كوركەم» باسپاحاناسىندا باسىلىپ شىققان كىتاپتىڭ تارالىمى 2 مىڭ دانا. اباي مۇراجايى الداعى جازدا استانا قالاسىندا وتەتىن حالىقارالىق كورمەگە ارنايى ەكسپوزيتسيا دا دايىنداپ وتىرعانىن ايتا كەتۋ كەرەك. ول ءۇشىن قىزمەتكەرلەر اعىلشىن ءتىلىن مەڭگەرىپ العان.
«قىتاي تىلىندە شىققان جيناقتىڭ ەرەكشەلىگى، مۇندا ابايتانۋشى، اۋدارماشى، ابايدىڭ ءومىرىن زەرتتەپ جۇرگەن حابايدىڭ اۋدارمالارى كىرگىزىلدى. اعىلشىن جانە ورىس جيناقتارىندا بۇعان دەيىن اۋدارىلعان اۋدارماشىلاردىڭ ولەڭدەرى كىرگىزىلدى. ءار ولەڭنىڭ استىندا سول اۋدارماشىلاردى كورسەتىپ وتىرمىز»، - دەيدى اباي مۇراجايىنىڭ ءبولىم مەڭگەرۋشىسى شىنار سادىقوۆا.
