امەريكالىق تاراپ ەكسپو-2017 كورمەسىنە قاتىسۋعا قىزىعۋشىلىق تانىتتى
احمەتجان ەسىموۆ كورمەنى دايىنداۋ بارىسىندا اتقارىلعان جۇمىستار باعىتىن تانىستىردى. سونداي-اق، الداعى اپتادان باستاپ حالىقارالىق قاتىسۋشىلارعا پاۆيلونداردى وتكىزۋ، ءارى دەلەگاتسيا مۇشەلەرىنە ارنالعان نىسانداردى تابىستاۋ باستالاتىندىعىن حابارلادى. ودان ءارى قاراي پاۆيلونداردى تولتىرۋ بويىنشا كونتەنتتىك جۇمىستار باستالادى.
«ءساۋىر ايىندا ەلباسى دەلەگاتسياسىنىڭ قۇرامىندا ۆاشينگتوندا بولدىم، وندا ا ق ش بيزنەس قوعامداستىعىمەن كەزدەسۋ بولدى، ولار ءبىزدىڭ كورمەگە قاتىسۋعا قىزىعۋشىلىق تانىتتى. ەكسپو-2017 ارىپتەستەرى مەن دەمەۋشىلەرى اراسىندا «Cisco», «General Electrics», «Chevron» سياقتى ءىرى كومپانيالار بولدى. سونىمەن قاتار، امەريكالىق-قازاقستاندىق بيزنەس قاۋىمداستىقتى دا ەكسپو-2017 كورمەسىنە قاتىسۋعا شاقىرامىن»، - دەپ اتاپ ءوتتى احمەتجان ەسىموۆ.
«ءبىز وزدەرىڭىزبەن ىنتىماقتاستىق ورناتقاندىعىمىزعا ريزامىز. ا ق ش پاۆيلونىن قاۋىمداستىققا مۇشە جەكە كومپانيالار تولتىرادى. بۇل ا ق ش بيزنەسمەندەرى ءۇشىن وتە قىزىقتى ءارى بىرەگەي مۇمكىندىك بولادى دەپ ەسەپتەيمىز»، - دەپ مالىمدەدى ۋيليام كورتني.
كەزدەسۋدە ەكسپو-2017 كورمەسىنىڭ دامۋىنا ءوز ۇلەسىن قوسۋعا نيەتتى امەريكالىق ءىرى ەنەرگەتيكالىق كورپوراتسيا АES (American clean power company) تانىستىرىلدى.
ايتا كەتۋ كەرەك، حالىقارالىق مامانداندىرىلعان كورمە استانا قالاسىندا 2017-جىلعى 10- ماۋسىم - 10- قىركۇيەك ارالىعىندا وتەدى، كورمە بارىسىندا 5 ميلليون كەلۋشى بولادى دەپ كۇتىلۋدە.
