ءۇلبى زاۋىتىنداعى تومەن بايىتىلعان ۋران بانكى 2017 - جىلدىڭ مامىرىندا پايدالانۋعا بەرىلەدى - حودانوۆ
ونىڭ ايتۋىنشا، ماگاتە- نىڭ تومەن بايىتىلعان ۋران بانكىنە ارنالعان قويما سالۋ تۋرالى مەملەكەتتىك ساراپتاما الىنىپ، قۇرىلىس جۇمىستارىن جۇرگىزەتىن مەردىگەر ىرىكتەلىنگەن. 2016 -جىلدىڭ تامىز ايىنىڭ سوڭىندا مەردىگەر قويما جۇمىسىن سالۋعا كىرىسكەن.
«قۇرىلىس جۇمىستارى كەستەگە ساي جۇرگىزىلىپ جاتىر. قويما قۇرىلىسى 2017 -جىلدىڭ مامىرىندا اياقتالادى دەپ جوسپارلانىپ وتىر. مۇنان ارى مەملەكەتتىك قابىلداۋ وتەدى. ودان كەيىن قىركۇيەك ايىندا ماگاتە- ءنىڭ شولۋ ميسسياسى ءوتىپ، تومەن بايىتىلعان ۋراندى قابىلداۋعا قويمانىڭ دايىندىعى تۋرالى سوڭعى قورىتىندى بەرىلۋى ءتيىس. وسىدان سوڭ ماگاتە اتالعان ماتەريالدى ساتىپ الۋ تۋرالى تەندەر جاريالايدى جانە قويماعا تومەن بايىتىلعان ۋران جەتكىزۋ باستالادى دەسەك تە بولادى»، - دەدى ول.
ايتا كەتەيىك، بۇگىن ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «ق ر ۇكىمەتى مەن اتوم ەنەرگياسى جونىندەگى حالىقارالىق اگەنتىك اراسىنداعى قازاقستان رەسپۋبيلكاسىندا اتوم ەنەرگياسى جونىندەگى حالىقارالىق اگەنتتىكتىڭ تومەن بايىتىلعان ۋران بانكىن قۇرۋ تۋرالى كەلىسىمدى راتيفيكاتسيالاۋ تۋرالى» ق ر زاڭىنىڭ جوباسى تالقىلاندى.
ءۇلبى مەتاللۋرگيالىق زاۋىتى قويماسىندا ماگاتە- ءنىڭ 90 توننا تومەن بايىتىلعان ۋرانى ساقتالاناتىن بولادى.
«تاۋەلسىزدىك جىلدارى ورتاشا ەسەپپەن بىزدە بىرنەشە جىلدىق تاپسىرىس بولىپ تۇر. ول ۋاقىتتا ءبىز رەسەيلىك كاسىپورىندار ءۇشىن شامامەن 300 توننا تابلەتكا وندىرەتىنبىز. ياعني، ءبىر مەزەتتە 200 جانە ودان كوپ توننا ساقتالىپ وتىردى. قازىرگى ۋاقىتتا شامامەن 40 توننا بار»، - دەدى ول.
وسى رەتتە ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ ۆيتسە- مينيستردەن اتالعان كولەمگە قوسىمشا 90 توننا ماگاتە ۋرانىن ساقتاۋ جوسپارلانىپ وتىر ما، دەپ سۇرادى.
«ءيا، ءبىراق ول جەكە قويمادا ساقتالادى. بۇعان قوسا، بىزگە ماتەريالدار قايتا وڭدەۋ ءۇشىن ۇنەمى جەتكىزىلىپ تۇراتىن بولادى. تاياۋ بولاشاقتا 200 تونناعا دەيىنگى كولەمدەگى ماتەريال بىزگە قايتا وڭدەۋگە جەتكىزىلەدى. ال ودان قىتايلىق اتوم ەلەكتر ستانسالارى ءۇشىن وتىن تابلەتكالارىن جاسايتىن بولامىز»، - دەپ جاۋاپ بەردى جاقساليەۆ.
ەستەرىڭىزگە سالا كەتسەك، 2015 -جىلدىڭ 27 - ساۋىرىندە قازاقستان ۇكىمەتى ءوز قاۋلىسىمەن ەلىمىزدە ماگاتە- ءنىڭ تومەن بايىتىلعان ۋران بانكىن «ءۇلبى مەتاللۋرگيالىق زاۋىتى» ا ق- ىندا ورنالاستىرۋ تۋرالى كەلىسىمگە قول قويۋدى ماقۇلداعان بولاتىن. سول جىلدىڭ 27 - تامىزىندا كەلىسىمگە قازاقستان تارابىنان ەرلان ىدىرسوۆ پەن ماگاتە- ءنىڭ باس ديرەكتورى يۋكيا امانو قول قويعان ەدى.
اۆتور: مارلان جيەمباي
