قىتاي ەكسپو-2017 تۋرالى روۋد- شوۋ ۇيىمداستىرعىسى كەلەدى - ۋاڭ چينجەن
كەڭەسكە قىتايدىڭ «ەكسپو-2017» پاۆيلونى جونىندەگى كوميسسارى ۋاڭ چينجەن ارنايى بەينەبايان جولداپ، وندا شاڭحايداعى 2010 -جىلى وتكەن حالىقارالىق كورمەنى ۇيىمداستىرۋ تاجىريبەسى تۋرالى اڭگىمەلەگەن بولاتىن.
ونىڭ ايتۋىنشا، قىتاي تاراپى استانادا وتەتىن ەكسپو-2017 حالىقارالىق كورمەسىنە قاتىسۋعا اسا زور ىقىلاس ءبىلدىرىپ وتىر. ايتۋلى شاراعا قىتاي حالىقارالىق ساۋدانى ىلگەرىلەتۋ جونىندەگى كەڭەس، ەنەرگەتيكا مينيسترلىگى جانە تۋريزم مينيسترلىگى سەكىلدى قۇراممەن بولاتىنى جوسپارلانعان.
«ءبىز استاناداعى كورمەگە قىتايدىڭ تاجىريبەلەرىنەن ەڭ ۇزدىك ەكى جوبانى قاتىستىرۋدى دايىندادىق. بۇلار: ق ح ر مەملەكەتتىك ەلەكتروجەلىلەرى كورپوراتسياسىنىڭ جانە يادرولىق- ەنەرگەتيكا كورپوراتسياسىنىڭ جوبالارى. دەگەنمەن، قىتايدا كوپتەگەن كومپانيالار وزدەرىنىڭ شارالارىن استاناداعى ءۇش اي بويى وتەتىن حالىقارالىق كورمەدە كورسەتكىسى كەلەتىنىن ايتقىم كەلەدى. وسىعان بايلانىستى قازىرگى كۇنى ۇيىمداستىرۋ كوميتەتى بەلسەندى جۇمىسقا كىرىستى. ءوز تاراپىمىزدان ايتار بولساق، ءبىز قىتايدا ەكسپو-2017 كورمەسىن ىلگەرىلەتۋگە بايلانىستى روۋد- شوۋ وتكىزۋگە دايىنبىز»، - دەدى ۋاڭ چينجەن.
اۆتور: قانات مامەتقازى ۇلى