ستەپنوگور جاستارى «استانا-ەكسپو-2017» سەلفيىن جاسادى

استانا. قازاقپارات - ستەپنوگور جاستارى «استانا-ەكسپو-2017» لوگوتيپىمەن ۇزدىك سەلفي جاساۋ كونكۋرسىنا بەلسەنە قاتىستى، دەپ حابارلادى اقمولا وبلىسى ىشكى ساياسات باسقارماسىنان.

وتكەن ايدا اقتوبە وبلىسىنىڭ مۇعالجار اۋدانىنىڭ «جاستار» پاتريوتتىق كلۋبى «استانا ەكسپو-2017» ۇلتتىق كومپانياسىنىڭ قولداۋىمەن «استانا ەكسپو-2017» حالىقارالىق مامانداندىرىلعان كورمەسىنىڭ لوگوتيپىمەن ۇزدىك سەلفيگە كونكۋرس جاريالاعان بولاتىن.

ۇيىمداستىرۋشىلار كونكۋرستىڭ قورىتىندىلارىن شىعارۋ مەرزىمىن ءساۋىردىڭ سوڭىنا دەيىن ۇزارتقانىن اتاپ وتەدى.

اقمولا وبلىسىندا جاستار كونكۋرستى وتكىزۋ يدەياسىن بەلسەنە قولدادى جانە ستەپنوگور قالاسىنىڭ جاس جىگىتتەرى مەن قىزدارى #loveyouastanaexpo2017 حەشتەگىمەن فوتوسۋرەتتەرىن جولدادى.

«جاستار» پاتريوتتىق كلۋبىنىڭ ءتوراعاسى جاندوس تابىنعانوۆتىڭ ايتۋىنشا، ەلدىڭ بارلىق ايماقتارىنان 1000 نان استام فوتوسۋرەتتەر تۇسىرىلگەن، ءبىراق تا ولاردىڭ كوپشىلىگى كونكۋرس ەرەجەلەرىنە سايكەس كەلمەدى.

ەسكە سالا كەتەيىك، 2017-جىلعى 10- ماۋسىمنان 10- قىركۇيەككە دەيىن استانادا «ەكسپو-2017» مامانداندىرىلعان حالىقارالىق كورمەسى وتەدى. ءۇش اي بويى دۇنيەجۇزىلىك كورمەگە الەمنىڭ 100 گە جۋىق ەلدەرى جانە 10 عا تارتا حالىقارالىق ۇيىمدار قاتىسادى. كورمەگە 2 ميلليوننان استام ادام كەلەدى دەپ كۇتىلۋدە.

ەكسپو-2017 تاقىرىبى - «بولاشاقتىڭ ەنەرگياسى». كورمە، ەنەرگيانىڭ بالامالى كوزدەرى تاقىرىبىن كورسەتەدى جانە ەنەرگيا ۇنەمدەۋدىڭ ۇزدىك الەمدىك تەحنولوگيالارىن ، قازىرگى بالامالى ەنەرگيا كوزدەرىن پايدالانۋدىڭ جاڭا جاسالىمدارى مەن تەحنولوگيالارىن تارتۋعا مۇمكىندىك بەرەدى.