فۋتبولدان قازاقستاننىڭ ايەلدەر قۇراماسى ەۋرو-2017 ىرىكتەۋ ماتچىندا اۆستريادان جەڭىلىپ قالدى

استانا. قازاقپارات - قازاقستاننىڭ ايەلدەر قۇراماسى ەۋروپا-2017 چەمپيوناتىنىڭ ىرىكتەۋ راۋندى ماتچىندا سىرت الاڭدا اۆسترياعا 1:6 ەسەبىمەن جول بەردى،

  دەپ جازادى Sports.kz.

ءبىرىنشى تايمدا ولەسيا جەلەزياكتىڭ قاقپاسىنا بەس دوپ ءتۇستى، ولاردى كاتارينا شيحتل، نيكول بيللا، فەرەنا اشاۋەر، سارا تسادراتسيل جانە نينا بۋرگەر سوقتى. ۇزىلىستەن كەيىن ولەسيا جەلەزياكتى ءمادينا شويكينا اۋىستىردى. قوناقتار بەلسەندىرەك قيمىلداي باستادى، ال الاڭ قوجايىندارى ەكپىنىن باسەڭدەتتى، قورىتىندىسىندا بەگايىم قىرعىزبايەۆا ءبىر دوپپەن جاۋاپ قايىردى، الايدا ويىن قورىتىندىسىن بيللا تۇيىندەدى.

 وسى جەڭىلىستەن كەيىن قازاقستان ەسەبىندە بەس ويىننان ءبىر ۇپاي بار جانە 8- توپتا سوڭعى ورىندا تۇر. 2 - ماۋسىمدا قازاقستاندىق قىزدار شىمكەنتتە يزرايلدى قابىلدايدى.