جەزقازعانداعى فابريكا ەكسپو-2017 كورمەسىنە ۇلتتىق ناقىشتاعى كيىمدەر تىگۋدە
زاماناۋي قوندىرعىلارمەن جابدىقتالعان تىگىن فابريكاسى قازىر ارنايى كيىم- كەشەكتى جاپپاي تىگۋمەن اينالىسادى. 2012 - جىلى يندۋستريالاندىرۋ كارتاسى باعدارلاماسى اياسىندا ىسكە قوسىلعان فابريكادا بۇگىن 250 ادام ەڭبەك ەتەدى. جۇمىسكەرلەرگە بارلىق الەۋمەتتىك كومەكتەر قاراستىرىلعان. فابريكا ىسكە قوسىلىسىمەن جۇمىسقا كىرىسكەن ديدارا ءجۇنىسوۆا ۇزدىك جۇمىسكەرلەردىڭ قاتارىندا. بيىل ەڭبەگى باعالانىپ، ديدارانىڭ ارمانى ورىندالدى.
«ەڭبەك جاقسى باعالانادى بۇل جەردە. بيىل قۋانىشتى جىل بولدى. باستىعىم ەكى بولمەلى پاتەر بەردى. ءۇش بالام بار»، - دەيدى تىگىنشى ديدارا ءجۇنىسوۆا.
كاسىپورىن جىلىنا 40 مىڭ دانا جۇمىس كيىمىن تىگىپ شىعارادى. بۇگىندە فابريكا جۇمىسشىلارى ق ر قورعانىس مينيسترلىگىنىڭ تاپسىرىسىمەن كامۋفلياجدى كوستيۋمدەر ازىرلەپ جاتىر. ЕХРО-2017 كورمەسىنە دايىندىعىمىز باستالىپ كەتتى. «ءبىز قوناق ءۇي جانە مەيرامحانالارعا ارنالعان بۇيىمدار شىعارىپ قانا قويماي، حالىقارالىق كورمەدە قىزمەت كورسەتەتىن ەرىكتىلەردى دە كيىندىرمەكپىز»، - دەيدى فابريكا جەتەكشىسى.
«ۆولونتەرلەرگە ارنالعان كيىمدەر تىگەمىز، الەمدىك دەڭگەيدە وتەتىن كورمەگە ۆولونتەرلەر اتسالىسادى دەپ ويلايمىن، سوندىقتان ولارعا ارنالعان ۇلتتىق ناقىشتاعى كيىمدەردى تىگەمىز دەپ جوسپارلاپ وتىرمىز»، - دەدى تىگىن فابريكاسىنىڭ ديرەكتورى شولپان نۇرعاليەۆا.
مۇندا توقىما، تىگىن جانە ءپىشۋ سىندى سەحتار جۇمىس ىستەيدى. اتقارىلاتىن جۇمىستى جەڭىلدەتۋ ماقساتىندا زاماناۋي اۆتوماتتاندىرىلعان قوندىرعىلار ساتىلىپ الىنعان. جالپى، وسى كۇنگە دەيىن ەڭبەكتە ۇزدىك دەپ تانىلعان ون وتباسىنا پاتەر كىلتتەرى تابىستالىپ، جاقىن ارادا تاعى 16 وتباسى باسپانامەن قامتاماسىز ەتىلمەك.
