ا ق ش پەن دۇنيەجۇزىلىك بانك ەكسپو-2017 كورمەسىنە قاتىساتىنىن راستادى
ۆاشينگتوندا ەكسپو-2017 كوميسسارى ا ق ش پرەزيدەنتىنىڭ ارنايى كومەكشىسى - ۇلتتىق قاۋىپسىزدىك كەڭەسىنىڭ رەسەي مەن ورتالىق ازيا بويىنشا ديرەكتورى سەلەستو ۋوللاندەرمەن، ا ق ش مەملەكەتتىك حاتشىسىنىڭ اعا كەڭەسشىسى، ەلشى دەۆيد تورنمەن، ا ق ش ەنەرگەتيكا ءمينيسترىنىڭ حالىقارالىق ىنتىماقتاستىق جونىندەگى كومەكشىسى دجوناتان ەلكايند، دۇنيەجۇزىلىك بانك ۆيسە- پرەزيدەنتى يللاونگ پاتچامۋتۋ، سونداي- اق ۇلتتىق گەوگرافيالىق قوعام، «ارپا- ە» اگەنتتىگى، «Brands USA» تۋريستىك كومپانياسى، «جاسىل» عيماراتتار كەڭەسى باسشىلارى مەن ەنەرگيا ۇنەمدەۋ جانە ەنەرگيا تيىمدىلىك سالاسىندا جۇمىس ىستەيتىن ءبىرقاتار ءىرى امەريكالىق كورپوراتسيالاردىڭ وكىلدەرىمەن رەسمي كەلىسسوزدەر وتكىزدى.
اق ۇيدەگى كەزدەسۋ ۋاقىتىندا ر. جوشىبايەۆ پەن س. ۋوللاندەر قازاقستان مەن ا ق ش اراسىنداعى سەنىم مەن ءوزارا تۇسىنىستىكتىڭ ءداستۇرلى اتموسفەراسىن، ستراتەگيالىق ارىپتەستىكتىڭ جوعارى دەڭگەيىن اتاپ ءوتتى. س. ۋوللاندەر ا ق ش ۇكىمەتى مەن ءىرى كومپانيالارىنا ميلانداعى ەكسپو 2015 كورمەسىنەن كەيىنگى قازاقستاندا وتەتىن كورمەگە قاتىسۋ ماسەلەسىن تالقىلاۋعا مۇمكىندىك بەرگەن قازاقستاندىق دەلەگاتسيا ساپارىنىڭ ماڭىزدىلىعىن اتاپ ءوتتى.
«بولاشاق ەنەرگياسى» كورمەسىنىڭ تاقىرىبى، قازاقستان پرەزيدەنتى ن. نازاربايەۆتىڭ «XXI عاسىرداعى ورنىقتى دامۋدىڭ جاھاندىق ەنەرگو- ەكولوگيالىق ستراتەگيا» باستاماسى مەن «جاسىل كوپىر» ارىپتەستىك باعدارلاماسى ا ق ش- تىڭ كەشەندى ەنەرگەتيكالىق ستراتەگياسىمەن جانە جاقىندا پرەزيدەنت باراك وباما جاريالاعان ا ق ش- تا ەنەرگيا ۇنەمدەۋشى تەحنولوگيالاردى دامىتۋدى، بالامالى ەنەرگەتيكانى پايدالانۋدى، بۋلى گاز تاستاندىلارىن قىسقارتۋدى كوزدەيتىن تازا ەلەكتر ەنەرگياسى جوسپارىمەن تولىقتاي ۇندەسەدى»، - دەپ مالىمدەدى س. ۋوللاندەر.
ەكسپو كورمەلەرىنە ا ق ش- تىڭ قاتىسۋىن ۇيلەستىرۋگە جاۋاپ بەرەتىن ا ق ش مەملەكەتتىك دەپارتامەنتىندە ر. جوشىبايەۆ د. تورنعا جانە مەم حاتشىنىڭ وڭتۇستىك جانە ورتالىق ازيا بويىنشا كومەكشىسى ن. بيسۆالعا قازاقستاننىڭ حالىقارالىق باستامالارى جايلى ايتتى. امەريكالىق ارىپتەستەر ەكسپو-2017 كورمەسىنە مۇددەلىلىك تانىتتى، الەمدىك قاۋىمداستىق ءۇشىن كورمە تاقىرىبىنىڭ وزەكتىلىگىن اتاپ ءوتتى. تاراپتار قازاقستاندىق- امەريكالىق ىنتىماقتاستىقتىڭ اعىمداعى جاي- كۇيى مەن پەرسپەكتيۆالارى جايلى پىكىرلەر الماستى.
دج. ەلكاينمەن اڭگىمەلەسۋ بارىسىندا ەنەرگەتيكالىق سالادا ق ر مەن ا ق ش بەيىندى كومپانيالارىنىڭ ءوزارا ءىس- قيمىلى مەن كورمەگە قاتىسۋعا بالامالى ەنەرگەتيكا سالاسىنداعى كورپوراتيۆتىك قاتىسۋشىلاردى تارتۋ ماسەلەلەرى تالقىلاندى. دج. ەلكايند امەريكالىق كومپانيالار «جاسىل» تەحنولوگيانى دامىتۋ جانە ەنەرگيانىڭ بالامالى كوزدەرىن ەنگىزۋ سالاسىنداعى الەمدىك كوشباسشىلاردىڭ ءبىرى رەتىندە استانادا وزدەرىنىڭ جاڭا تەحنولوگيالارىن تانىستىرۋعا ءازىر ەكەنىن ايتتى.
ي. پاتچامۋتۋمەن كەزدەسۋدە الەمدىك ەكونوميكاداعى بولىپ جاتقان وزگەرىستەر، بانكتىڭ قازاقستانداعى ينۆەستيتسيالىق جوبالارعا قاتىسۋىنا قاتىستى ءوزارا پىكىر الماستى. كەلىسسوز قورىتىندىسى بويىنشا ي. پاتچامۋتۋ دۇنيەجۇزىلىك بانك استانادا وتەتىن ەكسپو- عا قاتىسۋ تۋرالى رەسمي شەشىم قابىلداعانىن مالىمدەدى جانە ءتيىستى جازباشا راستاۋ تابىس ەتتى.
«شيەۆرون» كومپانياسىنىڭ كەڭسەسىندە قازاقستاندىق- امەريكالىق ىسكەرلىك قاۋىمداستىق قۇرامىنا كىرەتىن امەريكالىق كومپانيالاردىڭ قاتىسۋىمەن دوڭگەلەك ۇستەل ۇيىمداستىرىلدى. ءوز سوزىندە ر. جوشىبايەۆ اتاپ وتكەندەي، «قازاقستان 2017 -جىلى ەكسپو- نى ءساتتى وتكىزۋگە بار كۇشىن سالادى، ەكسپو- عا قاتىسۋشى ەلدەرگە، ارىپتەستەرگە، كەلۋشىلەرگە بارلىق قاجەتتى جاعدايدى جاسايتىنىن اتاپ ءوتتى».
ا ق ش ۇلتتىق گەوگرافيالىق قوعامىندا ونىڭ ۆيسە- پرەزيدەنتى ت. ريچاردسون ەكسپو-2017 كورمەسىن العا جىلجىتۋ جوبالارىن ۇسىنىپ، تاياۋ ۋاقىتتا «National Geographic» جۋرنالىن قازاق تىلىندە شىعارۋدى جوسپارلاپ وتىرعاندىعىن مالىمدەدى.
سونداي- اق ساپار اياسىندا كوميسسار ر. جوشىبايەۆ «Honeywell» جانە United Тechnologies Corp جاھاندىق تەحنولوگيالىق كورپوراتسيالارىنا بارىپ، ۆاشينگتوندا قازاق ستۋدەنتتەرى جانە قازاق دياسپوراسىمەن كەزدەستى، دەپ حابارلادى ق ر س ءى م باسپا ءسوز قىزمەتىنەن.
