ن. نازاربايەۆ الەمدىك قاۋىمداستىقتىڭ ەكسپو-2017 كورمەسى جونىندە از اقپاراتتاندىرىلعانىن اتاپ ءوتتى
نۇرسۇلتان نازاربايەۆ ەلىمىزدە جانە شەتەلدە كورمەنى ىلگەرى جىلجىتۋ ارقىلى كەلۋشىلەر سانىن ارتتىرۋ سالاسىندا اۋقىمدى جۇمىس اتقارىلۋى ءتيىس دەپ توقتالىپ ءوتتى.
«بۇگىنگى تاڭدا ناقتى كوممۋنيكاتيۆتى- مەديا جوسپار جوق، يميدجدىك ىلگەرىلەتۋ ماسەلەسى جۇيەلى تۇردە ويلاستىرىلماعان، بارلىق كۇش- جىگەر تەك ءبىر رەتتىك شارالار وتكىزۋگە باعىتتالىپ وتىر. تەك ساۋاتتى، جان-جاقتى ويلاستىرىلعان ستراتەگيا ەلىمىزگە تۋريستەردى تارتۋعا جانە كەلۋشىلەر سانىن 5 ميلليون ادامعا جەتكىزۋگە مۇمكىندىك بەرەدى»، - دەدى قازاقستان پرەزيدەنتى «ەكسپو-2017» حالىقارالىق مامانداندىرىلعان كورمەسىنە دايىندىق بارىسى تۋرالى كەڭەستە.
سونداي-اق قازاقستان پرەزيدەنتى نۇرسۇلتان نازاربايەۆ الەمدىك قاۋىمداستىقتىڭ استانادا وتەتىن EXPO-2017 كورمەسى جونىندە از اقپاراتتاندىرىلعانىن اتاپ ءوتتى.
«ءىرى ەكونوميكالىق، تۋريستىك فورۋمداردا، سپورتتىق ءىس-شارالاردا كورمە تاقىرىبىنىڭ تانىستىرىلىمىن وتكىزۋ قاجەت، كورمەگە قاتىسۋعا ەلدەردى شاقىرۋ ءۇشىن داۆوس فورۋمىن، سانكت- پەتەربور فورۋمىن، استانا ەكونوميكالىق فورۋمىن پايدالانۋ كەرەك. سونىمەن بىرگە كەلۋشىلەردىڭ %85 ى ءبىزدىڭ وتانداستىرىمىز بولادى، سوندىقتان ءبىز ءار وڭىردەن قانشا تۋريست كەلەدى، ولار استاناعا قالاي جەتەدى، قاي جەردە تۇراقتايدى دەگەن سەكىلدى ماسەلەلەردى ءبىلۋىمىز قاجەت. قالالار مەن بارلىق وبلىس اكىمدەرى قولدا بار رەسۋرستاردى تۇگەل پايدالانىپ، ءار ادامعا كورمەنى وتكىزۋ ماقساتى مەن قاجەتتىلىگىن ءتۇسىندىرۋى ءتيىس»، - دەدى نۇرسۇلتان نازاربايەۆ.
