ەلباسى ەكسپو-2017 نىساندارىن سالۋداعى جۇيەسىزدىك پەن جۇمىستىڭ ناشار ۇيىمداستىرىلۋىن سىنعا الدى - سۋرەت
بۇل تۋرالى اقوردانىڭ رەسمي سايتىندا حابارلاندى.
نۇرسۇلتان نازاربايەۆ وسى ورايدا شەشىلۋى ءتيىس ءبىرقاتار ماسەلەلەرگە نازار اۋداردى.
اتاپ ايتقاندا، مەملەكەت باسشىسى كورمە نىساندارىنىڭ قۇرىلىسى بەكىتىلگەن كەستە بويىنشا جۇزەگە اسىرىلىپ جاتقانىن جانە 2016 -جىلدىڭ تامىز- قىركۇيەك ايلارىندا اياقتالاتىنىن اتاپ ءوتتى.
- دەگەنمەن دە تەحنيكالىق سيپاتتاعى كوپتەگەن تۇيتكىلدى ماسەلەلەر بار: ءوزارا جۇيەسىزدىك، ماسەلەلەردى شەشۋدى سوزۋ، جۇمىستىڭ ناشار ۇيىمداستىرىلۋى. بۇگىنگى تاڭدا ج س ق- نى بەرۋدە جۇمىس كەستەسىنەن ارتتا قالۋشىلىقتىڭ باستى سەبەبى جوبالاۋلاردى باسقارۋدىڭ مۇلدە بولماۋى بولىپ وتىر.
نەگىزگى قۇجاتتامانىڭ بولىكتەرىن دايارلاۋ سالالاس ۇيىمدارعا ءبولىنىپ بەرىلگەن. كورمە ۋچاسكەسىنىڭ اينالاسىنداعى جەر رەسۋرستارى ءتيىمسىز پايدالانىلۋدا. بۇدان بولەك، نىسانداردى سالۋ باعاسىنىڭ كوتەرىلۋى ورىن الىپ وتىر، بۇل، ءوز كەزەگىندە، قارجىنىڭ قولدى بولۋىنا اكەلىپ سوعادى.
باستى اسپەكت - قارجىلاندىرۋمەن قامتاماسىز ەتۋ. ءبىزدىڭ ەلدىڭ ەكسپورتقا شىعاراتىن تاۋارلارىنىڭ قۇنى ارزانداعاندىقتان بيۋدجەتكە ءتيىستى قارجى تۇسپەيدى. وسى رەتتە ءبىز ەكسپو- دا دا، ۋنيۆەرسيادادا دا قاتتى ۇنەمدەۋىمىز كەرەك، - دەدى نۇرسۇلتان نازاربايەۆ.
