باياناۋىل ەكسپو-2017 كورمەسىنە كەلەتىن تۋريستەردى قابىلداماق
سوندىقتان ايماقتاعى تۋريزم باستى نازاردا بولۋى ءتيىس، دەپ حابارلادى www.24.kz.
باياناۋىل - قازاقستانداعى تابيعاتى سۇلۋ، كورىكتى وڭىرلەردىڭ ءبىرى. قازىر مۇندا الداعى ەكسپو-2017 كورمەسىنە دايىندىق باستالىپ كەتتى. قازاقستاننىڭ اتىن الەمگە تانىتاتىن ايتۋلى شارا بارىسىندا باياناۋىلعا مىڭداعان شەتەلدىك تۋريست كەلەتىن بولادى. باياناۋىل قازاقستانداعى ەرەكشە قورعاۋعا الىنعان ۇلتتىق پارك بولىپ تابىلادى.
مۇندا ءتۇرلى تاريحي ارحەولوگيالىق ەسكەرتكىشتەر مەن لاندشافتىلار ورنالاسقان. اتاپ ايتساق، «مۇرتتى قورعان»، اتى اڭىزعا اينالعان قوڭىر اۋليە ۇڭگىرى، كەمپىرتاس، اقبەت تاۋ مەن قىزىلتاۋ بار. بۇل ايماققا جىلىنا 150 مىڭنان استام تۋريست كەلىپ دەمالادى. ولاردىڭ ىشىندە كورشىلەس رەسەي ەلىنىڭ دەمالۋشىلارى دا بار.
مىسالعا وتكەن جىلى 150 مىڭنان استام ادام كەلگەن. ولاردىڭ 20 پايىزى - شەتەلدىك تۋريستەر. سونداي-اق قازاقستاننىڭ ءار ايماعىنان، اتاپ ايتساق، استانا، الماتى، قاراعاندى، سەمەي، وسكەمەن قالالارىنان تۇرعىندار ارنايى كەلۋدە. قازىرگى كۇنى، وكىنىشكە وراي، وڭىردە تۋريستەردىڭ دەمالۋىنا تولىقتاي جاعداي جاسالماعان. اتاپ ايتساق، قىزمەت كورسەتۋ سالاسى كوڭىل كونشىتپەيدى. ارينە بۇل ۋاقىت ەنشىسىندە.
الداعى ەكسپو-2017 كورمەسىنە دەيىن ايماقتاعى تۋريزم كلاستەرىن دامىتۋ باستى نازارعا الىندى. سوندىقتان مەملەكەتتىك دەڭگەيدە ارنايى ماستەر جوسپار قۇرىلدى. وسىنىڭ ارقاسىندا قازىر وڭىردە ءبىرقاتار ءىس اتقارىلۋدا. اتاپ ايتساق، جاسىباي، سابىندىكول كولدەرى تازارتىلىپ جاتىر. ءبىر عانا كولدى تازارتۋ جۇمىستارىنا جارتى ميلليارد تەڭگە بولىنگەن ەكەن. باياناۋىل - تۋريزم كلاستەرىن دامىتۋعا قولايلى ايماق. ءبىر عانا جاسىبايدا 40 قا جۋىق دەمالىس ايماعى بار. مۇندا بالالاردىڭ دەمالىس لاگەرلەرى دە جۇمىس ىستەيدى. ال تۋريستەرگە ەكسكۋرسيا جاسايتىن 12 مارشرۋت قاراستىرىلعان. جاز ءالى اياقتالعان جوق. سوندىقتان تۋريستەردىڭ قاتارى بيىل جىلداعىدان دا ارتا تۇسپەك.
