استانادا «ەكسپو-2017» كورمەسىنە دەيىن ماسالار جويىلادى
«بيىلدان باستاپ كەمىرگىشتەرمەن جانە ماسامەن كۇرەس شارالارى كوممۋنالدىق شارۋاشىلىق باسقارماسىنا بەرىلدى جانە ولار باعدارلامالاردىڭ اكىمشىسى بولىپ تابىلادى. بۇل تۇرعىدا ءبىز ءوز تاراپىمىزدان ولارعا قاجەتتى كەڭەستەر بەرىپ، ءتيىستى كومەك شارالارىن جۇرگىزۋدەمىز. اتاپ ايتقاندا، اتالعان كورمەنى وتكىزۋ كەزىندە قالامىزدا ماسا بولماۋى ءتيىس» ، - دەدى ف. پەيەۆ استانا تۇتىنۋشىلارىنىڭ قۇقىقتارىن قورعاۋ ماسەلەلەرى بويىنشا ۇيلەستىرۋ كوميسسياسىنىڭ وتىرىسىندا.
وسى ماقساتتار ءۇشىن قوسىمشا قارجى بولىنەتىندىگى بەلگىلى بولدى.
«بۇل باعىتتاعى شارالار وتە ماڭىزدى، سەبەبى شەتەلدىك دەلەگاتسيالار وزدەرىنىڭ بۇقارالىق اقپارات قۇرالدارىندا استانادا ماسا وتە كوپ دەپ ايتىپ جاتسا، بۇل تۇرعىدا ءبىزدىڭ تاراپىمىزدان كەمشىلىك بولادى، سونداي- اق ەلوردامىزدىڭ يميدجىنە اسەر ەتەدى»، - دەدى ول.
مۇنىمەن قوسا ف. پەيەۆ قالادا اسا قاۋىپتى ينفەكتسيالاردىڭ الدىن الۋعا بايلانىستى قاجەتتى جۇمىستار جالعاسىپ جاتقاندىعىن اتاپ ءوتتى.
اۆتور: رۋسلان عابباسوۆ
