ءا. جاقسىبەكوۆ استانا ەكسپو-2017 قۇرىلىس الاڭىندا كوشپەلى كەڭەس وتكىزدى

استانا. قازاقپارات - استانا قالاسىنىڭ اكىمى، «استانا ەكسپو-2017» ۇ ك باسقارما ءتوراعاسى ادىلبەك جاقسىبەكوۆ كورمە كەشەنى نىساندارىنىڭ قۇرىلىس بارىسىن تەكسەرىپ، «استانا ەكسپو-2017» ۇ ك توپ-مەنەدجمەنتى، استانا قالاسى اكىمىنىڭ ورىنباسارلارى، سونىمەن قاتار، مەردىگەرلىك ۇيىمدار مەن ينۆەستيتسيالىق كومپانيالاردىڭ باسشىلارىنىڭ قاتىسۋىمەن كوشپەلى كەڭەس وتكىزدى.

ءا. جاقسىبەكوۆ الداعى كورمەنىڭ باستى نىساندارىندا جۇرگىزىلىپ جاتقان جۇمىستاردىڭ بارىسىمەن ەگجەي-تەگجەيلى تانىستى.

جالپى اۋدانى 174 گەكتاردى قۇرايتىن قۇرىلىس الاڭىندا قازاقستاننىڭ باستى پاۆيلونى، كونگرەسس- ورتالىق، امفيتەاتر، حالىقارالىق پاۆيلوندار، ساۋدا، ويىن- ساۋىق ورتالىقتارى، تۇرعىن ءۇي كەشەندەرى، قوناق ۇيلەر جانە باسقا دا نىساندار سالىنىپ جاتىر.

كەڭەس بارىسىندا ءا. جاقسىبەكوۆ قۇرىلىستى ۋاقتىلى قارجىلاندىرۋ، قازاقستان پاۆيلونى، كورمە نىساندارىن كورمەدەن كەيىن پايدالانۋ ماسەلەلەرىنە ەرەكشە نازار اۋداردى.

ءا. جاقسىبەكوۆ شارا بارىسىندا كورمە الاڭدارى مەن قالادا قاۋىپسىزدىكتى قامتاماسىز ەتۋ ماسەلەسىنە بولەك توقتالىپ ءوتتى.

 كەڭەس قورىتىندىسى بويىنشا ناقتى تاپسىرمالار بەرىلدى، دەپ حابارلادى «استانا ەكسپو-2017» ۇ ق» ا ق باسپا ءسوز قىزمەتىنەن.