ۆلاديمير ليۋتوۆ «استانا ەكسپو-2017» ۇ ك باسقارما ءتوراعاسىنىڭ ورىنباسارى قىزمەتىنە تاعايىندالدى
كومپانيا باسشىسى ۇجىمعا باسقارما ءتوراعاسىنىڭ جاڭا ورىنباسارى ۆلاديمير ليۋتوۆتى تانىستىردى، ول بۇرىن «استانا قالاسى قۇرىلىس باسقارماسى» م م باستىعى قىزمەتىندە بولدى. تاعايىنداۋ تۋرالى بۇيرىققا بۇگىن قول قويىلدى. ۆ. ليۋتوۆ ۇلتتىق كومپانيادان بوساتۋ تۋرالى ءوز ەركىمەن ءوتىنىش بەرگەن م. وماروۆتىڭ ورنىنا كەلدى.
ءوزىنىڭ ەلوردا اكىمى جانە باسقارما ءتوراعاسى قىزمەتتەرىن قوسا اتقارۋىنا تۇسىندىرمە بەرە وتىرىپ، ءا. جاقسىبەكوۆ بىلاي دەدى:
«پرەزيدەنت ەڭ الدىمەن سينەرگيانى جانە قالالىق قىزمەتتەر مەن ۇلتتىق كومپانيانىڭ نەعۇرلىم تىعىز ءوزارا ءىس- قيمىلىن قامتاماسىز ەتۋ ءۇشىن وسىنداي تاعايىنداۋ جونىندە شەشىم قابىلدادى. بىزدەردە مىندەتتەر بىرەۋ، ماقساتتار بىرەۋ، جۇمىس مەرزىمدەرى ايقىن بەلگىلەنگەن. مۇنداي ىنتىماقتاستىق بارلىق باعىتتاردا ساپاعا جانە وڭتايلاندىرۋعا قول جەتكىزۋگە مۇمكىندىك بەرەدى. بۇل قالا قىزمەتتەرىنە دە ىڭعايلى، ويتكەنى كورمەگە ازىرلىك اكىمدىك الدىندا تۇرعان نەگىزگى مىندەتتەردىڭ ءبىرى، سونداي- ا ق كومپانيانىڭ ءوزى ءۇشىن دە جۇمىستا ترانسپارەنتتىلىكتى ساقتاۋعا مۇمكىندىك بەرەدى» .
ءا. جاقسىبەكوۆ «استانا ەكسپو-2017» كومپانياسى وتە ۇلكەن جۇمىس اتقارعانىن اتاپ كورسەتتى، بەلگىلى ءبىر ناتيجەلەرگە قول جەتكىزىلدى، كورپوراتيۆتىك باسقارۋ قۇرىلىمى قۇرىلدى، ءتيىمدى قىزمەت ءۇشىن بارلىق جاعداي جاسالعان.
«كومپانيادا قازىردىڭ وزىندە قالىپتاسقان ۇجىم بار، اۋقىمدى قايتا قۇرۋ جانە قىسقارتۋ جۇرگىزبەيمىن، قازىرگى ەڭ باستىسى بۇل ەمەس. ءبىزدىڭ مىندەتىمىز - پرەزيدەنت پەن ۇكىمەت تاپسىرعان باعىتتاردى ودان ءارى بىرگە العا جىلجىتۋ» ، - دەدى كومپانيا باسشىسى.
كەڭەس بارىسىندا ءا. جاقسىبەكوۆ اعىمداعى كەزەڭدە كومپانيا الدىندا تۇرعان ءبىرىنشى كەزەكتەگى مىندەتتەردى تالقىلادى - ولار: كورمەنىڭ جەدەل جوسپارىن جاساۋ، مەملەكەت باسشىسىنىڭ قاتىسۋىمەن EXPO Milano 2015 كورمەسىندە قازاقستاننىڭ ۇلتتىق كۇنىن وتكىزۋ، سونداي- اق 2015 -جىلعى 20 - ماۋسىمعا جوسپارلانعان ق ر پرەمەر- ءمينيسترى ك. ءماسىموۆتىڭ توراعالىعىمەن استانا ەكسپو-2017 حالىقارالىق مامانداندىرىلعان كورمەسىنە ازىرلىك جانە ونى وتكىزۋ جونىندەگى مەملەكەتتىك كوميسسيانىڭ كوشپەلى وتىرىسىن وتكىزۋ.
