ەكسپو-2017: قازاقستاندىق جوبا ۇزدىك تانىلدى

استانا. قازاقپارات - قازاقستاندىق ستۋدەنتتەر حالىقارالىق ساۋلەتتىك جوبالار بايقاۋىندا جەڭىمپاز اتاندى. ەلوردادا وتكەن سايىسقا الەمنىڭ 20 ەلىنەن كەلگەن 50 شاقتى ۇجىم قاتىستى.

ۇمىتكەرلەرگە بەرىلگەن تاپسىرما دا كۇردەلى: EXPO-2017 كورمەسىنە ەنەرگيا ۇنەمدى جۇمسالاتىن عيمارات قۇرىلىمىن ازىرلەۋ.

سايىسقا الەمدىك ساۋلەت ونەرىنىڭ قاس شەبەرلەرى قازىلىق ەتتى. ناتيجەسىندە قازاقستاندىق جوبا ۇزدىك شىقتى.

جوبا اۆتورلارى ۆالەريا سيدورەنكو، رۋسلان ءابىلدينوۆ جانە يۆان شرەدەر ورتاق ويلارىنىڭ اۋقىمدى جوباعا اينالعانىنا قۋانىشتى. ايتا كەتەيىك، اتالعان حالىقارالىق بايقاۋ وسىمەن 11-رەت وتكىزىلدى.

شارانىڭ باستى ۇيىمداستىرۋشىلارى -  فرانسيالىق «سەن-گوبەن» كومپانياسى.

ۆالەريا سيدورەنكو، جەڭىمپاز كوماندا مۇشەسى:

- ءبىز جاي عانا جوبا ەمەس، جۇزەگە اسىرۋ مۇمكىن بولاتىن ناعىز يدەيامىزدى دايىندادىق. ءبىز شىندىعىندا بولاشاق جايلى ويلادىق. جوبانى جۇزەگە اسىرۋ جولدارىن انىق كورسەتتىك. ياعني بيوسفەراداعى باستى پاۆيلون EXPO تۇجىرىمىنا سۇيەندىك. تامشىداي عانا ويىمىز وسىلاي اۋقىمدى جوباعا اينالدى.

زاۋرە ايتايەۆا، «استانا ەكسپو-2017» ۇك ساۋلەت دەپارتامەنتىنىڭ باس مەنەدجەرى:

- ءبىرىنشى كەزەكتە بۇل ەڭ ساۋلەتتىك شەشىمدەرى ۇيلەسكەن جوبا بولدى. ەنەرگيا ۇنەمشىلدىك، اسقان جايلىلىق بايلانىسقان. ءبىزدىڭ بارلىق تالاپتارىمىزعا ساي كەلدى.

www.24.kz