لاتۆيا پرەزيدەنتى: ەكسپو-2017 تاقىرىبى بارشا ادامزات ءۇشىن وزەكتى
بۇل تۋرالى ق ر س ءى م رەسمي سايتى حابارلادى.
ساپار بارىسىندا لاتۆيا پرەزيدەنتى اندريس بەرزينشپەن، كولىك ءمينيسترى - قازاقستان- لاتۆيالىق ۇكىمەتارالىق كوميسسيانىڭ تەڭ ءتوراعاسى انريس ماتيسس، قورشاعان ورتانى قورعاۋ ءمينيسترى كاسپار گەرحاردس، ەكونوميكا مينيسترلىگىنىڭ پارلامەنتتىك حاتشىسى ەدگار پۋترا مەن س ءى م مەملەكەتتىك حاتشىسى اندرەي پيلدەگوۆيچپەن كەزدەسۋلەر ءوتتى. لاتۆيا تاراپىنىڭ شاقىرۋىمەن ر. جوشىبايەۆ ريگانىڭ 2015-جىلعى ءبىرىنشى جارتى جىلدىقتا ەۋروپا وداعى كەڭەسىنە ءتوراعالىق ەتۋىنە وراي ۇيىمداستىرىلعان «GreenBridgeForum2015» اتتى حالىقارالىق كونفەرەنسياسى جۇمىسىنا قاتىستى.
لاتۆيا پرەزيدەنتى ا. بەرزينشپەن كەزدەسۋ بارىسىندا تاراپتار ەكىجاقتى قارىم-قاتىناستىڭ قارقىندى دامىپ كەلە جاتقاندىعىن اتاپ ءوتىپ، حالىقارالىق سەرىكتەستىكتىڭ وزەكتى ماسەلەلەرىن تالقىلادى.
ر. جوشىبايەۆ قازاقستان رەسپۋبليكاسى پرەزيدەنتى ن. نازاربايەۆ اتىنان ەكسپو-2017 كورمەسىنە قاتىسۋعا شاقىرۋدىڭ ءتۇپ نۇسقاسىن تابىستادى. ءوز كەزەگىندە، ا. بەرزينش ەلىنىڭ ەكسپو-2017 كورمەسىنە قاتىسۋعا اسقان قىزىعۋشىلىعىن ءبىلدىرىپ، كورمە تاقىرىبىنىڭ بارشا ادامزات ءۇشىن وزەكتىلىگىن اتاپ ءوتتى جانە لاتۆيانىڭ بالامالى قۋات كوزدەرى سالاسىنداعى جاڭا ىزدەنىستەرىمەن تانىستىرۋعا دايىن ەكەندىگىن جەتكىزدى.
لاتۆيانىڭ كولىك مينيسترىمەن كەزدەسۋ بارىسىندا كولىكتىك-ترانزيتتىك ءوزارا قارىم-قاتىناس ماسەلەلەرى، سونداي-اق سوڭعى قازاقستان- لاتۆيالىق ۇكىمەتارالىق كوميسسيا وتىرىسى اياسىندا قول جەتكىزىلگەن كەلىسىمدەردىڭ ورىندالۋى تالقىلاندى.
ساۋدا-ەكونوميكالىق سەرىكتەستىك، تۋريزمدى دامىتۋ، ۆيزا ءتارتىبى مەن ەكى ەلدىڭ استانالارى اراسىندا تىكەلەي اۋە قاتىناسى ماسەلەلەرى لاتۆيانىڭ ەكونوميكا مينيسترلىگىندە تالقىلاندى. پارلامەنتتىك حاتشى ە. پۋترا لاتۆيانىڭ قالپىنا كەلتىرىلەتىن ەنەرگەتيكا سالاسىنداعى ايتارلىقتاي الەۋەتىن اتاپ ءوتتى، سونىڭ ارقاسىندا قازىرگى تاڭدا ەلدىڭ شامامەن %36 قۋاتى وندىرىلەدى. كەزدەسۋدە ەكسپو-2017 كورمەسى تانىستىرىلىپ، وعان قاتىسۋ شارتتارى ۇسىنىلدى. كەزدەسۋ قورىتىندىسى بويىنشا «ەكسپو-2017» ۇ ك» ا ق جانە لاتۆيالىق تۋريستىك اگەنتتەر مەن وپەراتورلار قاۋىمداستىعى اراسىندا سەرىكتەستىك تۋرالى مەموراندۋمعا قول قويىلدى (ALTA).
«GreenBridgeForum2015» حالىقارالىق كونفەرەنتسياسى بارىسىندا ر. جوشىبايەۆ ەلىمىزدەگى «جاسىل ەنەرگەتيكانى» دامىتۋ بويىنشا جۇرگىزىلىپ جاتقان جۇمىستار مەن قازاقستاننىڭ قالپىنا كەلتىرىلەتىن جانە بالامالى ەنەرگەتيكا سالاسىنداعى باستامالارى جونىندە ايتىپ ءوتتى. ەۋروپالىق ساراپشىلار قازاقستان رەسپۋبليكاسىنىڭ پرەزيدەنتى ن. نازاربايەۆ ۇسىنىسىمەن جۇزەگە اسىرىلىپ جاتقان ХХІ عاسىرداعى تۇراقتى جاھاندىق ەنەرگو ەكولوگيالىق دامۋ ستراتەگياسى مەن «جاسىل كوپىر» سەرىكتەستىك باعدارلاماسى تۋرالى اقپاراتتى قىزىعۋشىلىقپەن قابىلدادى.
قازىرگى كەزدە ەۋروپا مەن ازيانىڭ 13 ەلى «جاسىل كوپىر» باعدارلاماسىنىڭ قاتىسۋشىسى بولىپ تابىلادى. فورۋم قورىتىندىسى بويىنشا، باعدارلاماعا فينليانديا سۋ فورۋمى قوسىلدى.
سونىمەن قاتار، فورۋم اياسىندا لاتۆيادا وقيتىن قازاقستاندىق ستۋدەنتتەر ەكسپو-2017 كورمەسىن قولداۋعا ارنالعان فلەشموب ۇيىمداستىردى.
اۆتور: قانات مامەتقازى ۇلى
