ق ح ر دەلەگاتسياسى «ەكسپو-2017» كورمەسىندە قىتاي پاۆيلونىن سالۋ ماسەلەلەرىن پىسىقتاۋ ءۇشىن استاناعا كەلەدى
كەزدەسۋ بارىسىندا تاراپتار ەكىجاقتى ىنتىماقتاستىقتىڭ وزەكتى ساۋدا-ەكونوميكالىق جانە ينۆەستيتسيالىق ماسەلەلەرىن، قىتاي تاراپىنىڭ استانادا وتەتىن «ەكسپو-2017» حالىقارالىق كورمەسىنە قاتىسۋىن جانە قازاقستاندىق-قىتايلىق ىسكەرلىك كەڭەسىنىڭ كەزەكتى 3- وتىرىسىن وتكىزۋدى تالقىلادى.
ەلشى سۇحباتتاسىن قازاقستانداعى «نۇرلى جول» جاڭا ەكونوميكالىق ساياساتىنىڭ نەگىزگى مازمۇنىمەن تانىستىرىپ، ونىڭ «جىبەك جولىنىڭ ەكونوميكالىق بەلدەۋىمەن» ۇندەستىگىنە نازار اۋداردى.
جياڭ جەنۆەي ق ح ر ۇكىمەتى قىتاي تاراپىنىڭ «ەكسپو-2017»- گە قاتىسۋىنا، سونداي-اق جانە قازاقستاندىق-قىتايلىق ىسكەرلىك كەڭەسىنىڭ اياسىنداعى ەكى مەملەكەتتىڭ ىسكەرلىك توپتارى اراسىنداعى بايلانىستاردى تەرەڭدەتۋگە جانە ودان ءارى دامىتۋعا ەرەكشە كوڭىل بولەتىنىن اتاپ ءوتتى.
كەزدەسۋ قورىتىندىسى بويىنشا قىتاي تاراپىنىڭ «ەكسپو-2017» حالىقارالىق كورمەسىنە قاتىسۋ ماسەلەلەرىن پىسىقتاپ، وندا قىتاي ۇلتتىق پاۆيلونىن سالۋ سۇراقتارىن پىسىقتاۋ ماقساتىندا، ق ح ر ح س ج ك دەلەگاتسياسىنىڭ 2015-جىلدىڭ ەكىنشى جارتىسىندا استاناعا جۇمىس ساپارىن ۇيىمداستىرۋ تۋرالى ۋاعدالاستىقتارعا قول جەتكىزىلدى.
سونىمەن قاتار ەكىجاقتى ەكونوميكالىق جانە ينۆەستيتسيالىق جوبالاردى تالقىلاۋ ماقساتىندا ق ح ر كاسىپكەرلەرىنىڭ دەلەگاتسيا قۇرامىنا كىرگىزىلىپ، قازاقستانعا ساپارىن ۇيىمداستىرىلۋ جوسپارلاندى.
ايتا كەتەيىك، 1952-جىلى قۇرىلعان ق ح ر ح س ك ك بۇگىنگى كۇنى قىتايلىق كومپانيالاردىڭ تاۋارلارى مەن قىزمەتتەرىن حالىقارالىق نارىقتارعا ىلگەرىلەتۋ بويىنشا ءىرى ۇيىمى بولىپ تابىلادى. كوميتەتتىڭ قۇزىرەتى قىتاي ەكونوميكاسىنىڭ ساۋدا جانە ونەركاسىپ سالالارىنداعى بارلىق كاسىپورىندار مەن مەكەمەلەردى قامتيدى. ق ح ر ح س ك ك - قىتاي كومپانيالارىنىڭ ەڭ ءىرى حالىقارالىق كورمەلەرگە قاتىسۋلارىن قامتاماسىز ەتەتىن جاۋاپتى ورگان جانە جانە قازاقستاندىق-قىتايلىق ىسكەرلىك كەڭەسىنىڭ تەڭ قۇرىلتايشىسى بولىپ تابىلاتىن مەكەمە.
