09:47, 04 - قاراشا 2016 | GMT +5
سىر وڭىرىنەن «ەكسپو-2017» كورمەسىنە 75 مىڭ ادام قاتىسادى
قىزىلوردا. قازاقپارات - الداعى جىلدىڭ ەڭ ايتۋلى وقيعاسى «ەكسپو-2017» كورمەسى ەكەنى بەلگىلى.
سىر وڭىرىنەن بۇل شارعا 75 مىڭ ادام قاتىسادى دەپ مەجەلەنىپ وتىر. بۇل تۋرالى وبلىستىق اكىمدىگىندەگى اپپارات ماجىلىسىندە وبلىستىق كاسىپكەرلىك جانە تۋريزم باسقارماسىنىڭ باسشىسى نۇرجان ومىرسەرىك ۇلى ءمالىم ەتتى، دەپ حابارلادى قازاقپارات ءتىلشىسى.
بۇل كۇندە وبلىس بويىنشا كورمەگە دايىندىق جۇمىستارى باستالىپ كەتكەن. باسقارما باسشىسىنىڭ ايتۋىنشا، ءوڭىر تۇرعىندارىنىڭ كورمەگە كىرۋ كەستەسىن ازىرلەپ بەكىتۋ، كولىكپەن قامتاماسىز ەتۋ، تۋريستەر پاكەتىن قالىپتاستىرۋ، كورمەنىڭ ەلەكتروندىق بيلەتتەرىن ساتۋ بويىنشا تاعى باسقا دا دايىندىق جۇمىستارى باستالعان.
