ۋنيۆەرسيادا-2017-گە الەمنىڭ 59 ەلىنەن 2 مىڭنان استام سپورتشى قاتىسادى

دەپ حابارلايدى قازاقپارات.
«ستۋدەنتتەر اراسىنداعى الەمنىڭ ەڭ اۋقىمدى سپورتتىق ءىس- شاراسىن ءوز ەلىمىزدە قابىلداۋعا 12 كۇن قالدى. اتالعان جارىس مەدالدارىنا يە بولۋ - ءار ستۋدەنتتىڭ باستى ارمانى، مەملەكەتتىڭ ساياسي جانە ەكونوميكالىق جاعىنان مىقتى ءارى قارقىندى دامۋىنىڭ بەلگىسى. ستۋدەنتتىك قۇراما كوماندانىڭ الداعى ويىندارعا ساپالى دايىندىعىن قامتاماسىز ەتۋ مينيسترلىك جۇمىسىنىڭ باستى باعىتى سانالادى»، - دەپ اتاپ ءوتتى الماتىدا وتەتىن ستۋدەنتتەر اراسىنداعى قىسقى ۋنيۆەرسيادا ويىندارىنا دايىندىق بارىسى تۋرالى بايانداعان مينيستر.
ونىڭ ايتۋىنشا، ۋنيۆەرسياداعا الەمنىڭ 59 ەلىنەن 2 مىڭنان استام سپورتشى قاتىسادى دەپ جوسپارلانۋدا. جارىستار بارىسىندا سپورتتىڭ 12 ءتۇرى بويىنشا 86 مەدال جيىنتىعى ساراپقا سالىنادى. بۇل رەتتە مەدالدار جيىنتىعىنىڭ ەڭ كوبى كونكي جارىسىندا (14 جيىنتىق)، شاڭعى جارىسىندا (11) جانە شورت- ترەكتە (8) تىگىلەدى. «ق ر سپورتشىلارىنىڭ ساپالى دايىندىعىن ۇلەستىرۋ ماقساتىندا جانە سپورت تۇرلەرى بويىنشا جارىستاردى ۇيىمداستىرۋ جانە ءوتىزۋدى باقىلاۋ ءۇشىن رەسپۋبليكالىق شتاب قۇرىلدى. بۇگىنگى كۇنى شتاب الماتى قالاسىندا قارقىندى جۇمىس ىستەۋدە»، - دەدى مۇحامەدي ۇلى.
اۆتور: مارلان جيەمباي