ەكسپو-2017 كورمەسىنە قىتايدان 350 مىڭنان استام تۋريست كەلەدى دەپ كۇتىلۋدە
بۇل تۋرالى قىتايدىڭ حالىقارالىق ساۋداسىنا ىقپال ەتۋ كوميتەتى ءتوراعاسىنىڭ ورىنباسارى، قىتاي پاۆيلونىنىڭ ۇلتتىق كوميسسارى جانە قىتايدىڭ ەكسپو-2017 كورمەسىنە قاتىساتىن ۇكىمەتىنىڭ وكىلى ۋاڭ جينجەن ايتتى، دەپ حابارلايدى قازاقپارات.
«ەكسپو-2017» قازاقستان مەن قىتايدىڭ تۋريزم سالاسىنداعى ىنتىماقتاستىعىنا ءسوزسىز يگى ىقپال ەتەدى. ءبىزدىڭ مالىمەتتەرىمىز بويىنشا، وتكەن جىلى قازاقستاندا 250 مىڭ قىتايلىق تۋريست بولدى. ءبىز قىتايدىڭ قازاقستانداعى تۋريزم جىلى ەكەنىن جانە الداعى ەكسپو كورمەسىن نازارعا الساق، بيىلعى جىلى قازاقستانعا كەلەتىن قىتايلىق تۋريستەردىڭ سانى 100 مىڭعا ارتادى. وسىعان قاراي ەكسپو-2017 كورمەسىندە قازاقستاندا 350 مىڭ تۋريست بولادى»، - دەدى ول «ەكسپو-2017» كورمەسىندەگى قىتاي پاۆيلونىنىڭ تانىستىرىلۋ راسىمىندە جۋرناليستەردىڭ ساۋالدارىنا جاۋاپ بەرىپ تۇرىپ.
