ۇلتتىق بانكتىڭ استاناعا قونىس اۋدارۋى كەزەڭ- كەزەڭمەن 2017 - جىلدىڭ 1- قاڭتارىنا دەيىن جۇرگىزىلەدى

 استانا. قازاقپارات - ۇلتتىق بانكتىڭ الماتىدان استاناعا قونىس اۋدارۋى كەزەڭ- كەزەڭمەن 2017 - جىلدىڭ 1 - قاڭتارىنا دەيىن جۇرگىزىلەدى. بۇگىن استانا ەكونوميكالىق فورۋمىندا تىلشىلەرگە بەرگەن سۇحباتىندا ق ر ۇلتتىق بانكىنىڭ ءتوراعاسى قايرات كەلىمبەتوۆ ءمالىم ەتتى.

 «جاسالعان شەشىمدەردىڭ ءبىرى - ول 2017 - جىلدىڭ 1- قاڭتارىنا دەيىن ۇلتتىق بانكتىڭ كەزەڭ- كەزەڭمەن قونىس اۋدارۋى. ياعني، ەكى جىلدىڭ ىشىندە ءبىز ءتيىستى ينفراقۇرىلىمدى، ІТ ينفراقۇرىلىمىن، باستى كەڭسەنى استاناعا كوشىرۋگە دايىندالۋدامىز»، - دەدى كەلىمبەتوۆ.

الماتى ۇلتتىق ءىرى قارجى ورتالىعى بولىپ قالا بەرەتىندىگىنە توقتالعان ول: «مەنىڭ ويىمشا، ءبىزدىڭ ءىرى ەكى مەگاپوليستەردىڭ وسىنداي ءوزارا تولىقتىرۋى بارشا ەلىمىز بويىنشا قارجىلىق سەكتوردى دامىتۋعا قىزمەت ەتەدى»، - دەدى.

سونىمەن قاتار كەلىمبەتوۆ «ەكسپو-2017» كورمەسىنە سالىناتىن ءبىرقاتار نىسانداردىڭ ءبىر بولىگى ۇلتتىق بانككە بەرىلەتىندىگىن اتاپ ءوتتى.