09:21, 19 - جەلتوقسان 2016 | GMT +5
ا ق ش- تا «الەم ارۋى-2016» بايقاۋىنىڭ جەڭىمپازى انىقتالدى
استانا. قازاقپارات - ا ق ش- تا سەنبى كۇنى اياقتالعان بايقاۋدا پۋەرتو- ريكو ەلىنىڭ اتىنان ونەر كورسەتكەن ستەفاني دەل ۆاللە «الەم ارۋى-2016» بايقاۋىنىڭ جەڭىمپازى اتاندى، دەپ حابارلايدى ر ي ا نوۆوستي اگەنتتىگى.
بيىلعى جىلى ءسان يندۋسترياسىنىڭ باستى وقيعاسى 18 - جەلتوقساندا ۆاشينگتوندا (ا ق ش) باستالدى. قازاقستان اتىنان بۇل بايقاۋدا 18 جاسار اقتاۋلىق ءاليا مەرگەمبايەۆا ونەر كورسەتتى. فينالعا شىققان ۇزدىك بەستىكتىڭ قاتارىنان دەل ۆاللە مەن بىرگە كەنيا، يندونەزيا، دومينيكان مەملەكەتى مەن فيليپين ەلدەرىنىڭ ارۋلارى كورىنە ءبىلدى. 1951 -جىلى ۇيىمداستىرىلعان «الەم ارۋى» بايقاۋى سۇلۋلىق بايقاۋلارىنىڭ اراسىندا ەڭ ەجەلدەن ۇيىمداستىرىلىپ كەلە جاتقان شارالاردىڭ ءبىرى سانالادى.
