09:43, 14 - تامىز 2016 | GMT +5
ريو-2016: قازاقستان قۇراماسى جالپى ەكى ورىن ارتقا سىرعىدى
ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا قازاقستان قۇراماسى جالپى ەسەپتە 14-ورىننان 16-ورىنعا سىرعىدى.

بۇل تۋرالى ريوداعى قازاقپارات ءتىلشىسى حابارلادى.
تۋرا قازىر ەسەپ بويىنشا ا ق ش 21 التىن 14 كۇمىس، 17 قولا مەدال جەڭىپ الىپ، جالپى ەسەپتە كوش باستاپ تۇر.
ەكىنشى ورىندا 13 التىن، 11 كۇمىس، 17 قولا مەدال ەنشىلەگەن قىتاي قۇراماسى كەلەدى. ال ۇزدىك ۇشتىكتە 8 التىن، 10 كۇمىس، 6 قولا مەدال جەڭىپ العان ۇلى بريتانيا ەلىنىڭ سپورتشىلارى كەلە جاتىر.
ال قازاقستان قۇراماسى 2 التىن، 2 كۇمىس، 3 قولا مەدالمەن جالپى ەسەپتە 16-ورىندا تۇر.
اۆتور: كۇنسۇلتان وتارباي