10:02, 08 - تامىز 2016 | GMT +5
ريو-2016: جاپپارقۇل، زايچيكوۆ، ۇلانوۆتان مەدال كۇتەمىز - قايرات تۇرلىحانوۆ
استانا. قازاقپارات - قازاقستان اۋىر اتلەتيكاسى فەدەراتسياسىنىڭ قۇرمەتتى پرەزيدەنتى قايرات تۇرلىحانوۆ ريو- دە- جاينەرودا ءوتىپ جاتقان جازعى وليمپيادا-2016 ويىندارىندا قازاقستاندىق زىلتەمىرشىلەردەن كۇتەتىن بولجامىمەن ءبولىستى.

«ءبىزدىڭ كوماندامىز وتە جاس. ولاردىڭ كەلەشەكتەرى جارقىن. جازيرا جاپپارقۇلدان مەدال كۇتەمىز، ونىڭ قازىر ناعىز بابىندا تۇرعان شاعى. زايچيكوۆ، ۇلانوۆتار - مىقتى اۋىر اتلەتتەر. مەدال الاتىندارىنا سەنىمدىمىن»، - دەگەن تۇرلىحانوۆتىڭ ءسوزىن كەلتىرەدى «حابار» سايتى.
وليمپيادادا سەگىز زىلتمەرىشىنىڭ ەكەۋى ونەر كورسەتتى. مارگاريتا ەليسەيەۆا 48 كەلىگە دەيىنگى سالماقتا بەسىنشى بولسا، ارلي چونتەي 4- ورىنعا (56 كەلىگە دەيىنگى سالماقتا) تۇراقتاپ، مەدالعا ءسال عانا جەتپەي قالدى.