ريو-2016 كۇنتىزبەسى: 14 -تامىزدا بوكسشىلار لەگى سىنعا تۇسەدى

استانا- ريو- دە- جانەيرو. قازاقپارات - جەكسەنبى، 14 -تامىز كۇنى قازاقستاندىقتار ريو- دە- جانەيروداعى وليمپيادا ويىندارىندا وتاندىق سپورتشىلاردىڭ بىرنەشە سپورت تۇرىنەن وتكىزەتىن سايىستارىن تاماشالاي الادى، دەپ حابارلايدى «قازاقپارات» ءتىلىشىسى.
None
None

استانا ۋاقىتىمەن 03:30 دا 69 كەلىگە دەيىنگى سالماق دارەجەسىندە ونەر كورسەتەتىن قازاقستاندىق بوكسشى دانيار ەلەۋسىنوۆ ۆەنەسۋەلالىق سپورتشى گابريەل ماەسترەگە قارسى جەكپە- جەك وتكىزەدى. 30 جاستاعى ماەسترە - بوكستان ۆەنەسۋەلا قۇراماسىنىڭ كاپيتانى. 2015 -جىلى پانامەريكالىق ويىنداردىڭ چەمپيونى اتانعان، 2013 -جىلى اۋەسقويلار اراسىندا وتكەن الەم چەمپيوناتىندا قولا ىلگەن مىقتى بوكسشى. 25 جاستاعى بوكسشىمىز 2013 -جىلى الەم چەمپيونى اتاعىن جەڭىپ الدى. سونىمەن قاتار 2010 -جىلى جانە 2014 -جىلى ازيا ويىندارىنىڭ جەڭىمپازى، حالىقارالىق ساناتتاعى سپورت شەبەرى. دانيار باتىس قازاقستان وبلىسىنىڭ تۋماسى، قازىرگى ۋاقىتتا استانادا اكەسى مارات ەلەۋسىنوۆتىڭ قول استىندا جاتتىعادى. 1/8 فينالدا دانيار بريتاندىق بوكسشى دجوشۋا كەلليدەن باسىم تۇسكەن ەدى.

ۋاقىت ءتىلى 03.45 كەلگەندە 91 كەلىگە دەيىنگى سالماقتا بوكستاساتىن قازاقستاندىق ۆاسيلي لەۆيت كۋبالىق بوكسشى ەريسلاندي ساۆونعا قارسى جۇدىرىقتاساتىن بولادى. ەكى دۇركىن قازاقستان چەمپيونى، ازيا بىرىنشىلىگىنىڭ جەڭىمپازى ۆاسيلي لەۆيت 1/8 فينالدا قىتايلىق يۋي فەنكايدى، ال ¼ فينالدا ماۆريكيالىق كەننەدي سەن- پەرردى تىزە بۇكتىرگەن. دەگەنمەن كەلەسى قارسىلاس وتە قاۋىپتى. 26 جاستاعى ە. ساۆون - 2015 -جىلعى الەم چەمپيوناتىنىڭ كۇمىس جۇلدە يەگەرى، 2008 -جىلعى جاستار اراسىنداعى الەم چەمپيوناتىنىڭ جەڭىمپازى، پانامەريكالىق ويىنداردىڭ چەمپيونى، ۇلتتىق بىرىنشىلىكتەردىڭ بىرنەشە دۇركىن چەمپيونى.

تاڭعا جاقىن، ساعات 04:45-تە اسا اۋىر سالماقتا 2012 -جىلعى وليمپيادا ويىندارىنىڭ قولا جۇلدەگەرى، قازاقستاندىق بوكسشى يۆان دىچكو شارشى الاڭعا شىعادى. ونىڭ قارسىلاسى ازەربايجاندىق موگامەدراسۋل مەدجيدوۆ. مەدجيدوۆ - ەكى دۇركىن الەم چەمپيونى (2011, 2013).

2013 -جىلى اقتىق سىندا ول يۆان دىچكونى نوكاۋتقا جىبەرىپ، التىن مەدالدى جەڭىپ العان بولاتىن. دىچكو ءۇشىن بۇل جەكپە-جەك اردىڭ ءىسى بولماق.

كەشكە ساعات 18.00 دە قازاقستاندىق سپورتشى يۋريي يۋركوۆ نىسانا كوزدەۋدەن سىنعا تۇسەدى. ول ۆينتوۆكامەن اتۋدان 50 مەترلىك قاشىقتىقتا نىسانا كوزدەۋ بويىنشا سىنعا تۇسەدى.

ساعات 20:00 دە قازاقستاندىقتاردى تاعى ءبىر قىزىق جارىستاردىڭ ءبىرى كۇتىپ تۇر. اپالى- ءسىڭىلى الەكساندرا مەن ەكاتەرينا نەميچتەر ادەمى سپورتتاردىڭ ءبىرى - سينحروندى جۇزۋدەن باقتارىن سىنايدى. 2016 -جىلى ناۋرىزدا برازيليادا وتكەن ليتسەنزيالىق جارىستا ولار وليمپيادا ويىندارىنا جولداما ۇتىپ العان بولاتىن. 21 جاستاعى قوس قىزىمىز قازاقستان چەمپيوندارى جانە 2014 -جىلعى ازيا ويىندارىنىڭ ەكى دۇركىن قولا مەدال يەگەرلەرى. توعىز جاستان بەرى وسى سپورتتا جۇرگەن سپورتشى قىزداردى جاننا دەمچەنكو جاتتىقتىرادى.

قازاقستاندىقتاردىڭ ىشىندە كەشكى وليمپيادالىق جارىستاردى ايەلدەر بوكسى ءتامامدايدى. ساعات 20:15-تە قازاقستاندىق بوكسشى داريعا شاكىموۆا كانادالىق سپورتشى اريان فورتيرمەن كۇش سىناسادى. 28 جاستاعى داريعا 75 كەلىگە دەيىنگى سالماقتا جۇدىرىقتاسادى. 2010 -جىلى ازيا چەمپيوناتىندا چەمپيون اتانعان قىزىمىز قازاقستان بىرىنشىلىگىنىڭ جەڭىمپازى.

 اۆتور: جاسۇلان جولدىبايەۆ

 

سوڭعى جاڭالىقتار