استانالىق عاني سەيدىلدايەۆ «قازاقستان بارىسى-2015» تۋرنيرىنىڭ قولا جۇلدەسىن يەلەندى

استانا. قازاقپارات - استاناداعى «سارى ارقا» ۆەلوترەگىندە ءوتىپ جاتقان ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» V رەسپۋبليكالىق تۋرنيرىندە عاني سەيدىلدايەۆ قولا جۇلدەگەرى اتاندى.

 ول «جاقسىعۇل» لاقاپ اتىمەن شىعىپ جۇرگەن، تۋرنيردەگى ەڭ سالماعى اۋىر پالۋان جۇمانازار ەرسۇلتانوۆتى تىزە بۇكتىردى.

ايتا كەتەيىك، جۇمانازار ەرسۇلتانوۆ بۇل جولى جارتىلاي فينالدا تەك رۋسلان ءابدىرازاقوۆتان ۇتىلعان بولاتىن. ال عاني سەيدىلدايەۆ بەيبىت ىستىبايەۆتى العا جىبەرىپ العان بولاتىن.

ايتا كەتەرلىگى، «قازاقستان بارىسى» V رەسپۋبليكالىق تۋرنيرىنىڭ جۇلدە قورى  225000 ا ق ش دوللارىن قۇرايدى. ونىڭ ىشىندە 35 مىڭ ا ق ش دوللارى سپورتشىلاردىڭ جاتتىقتىرۋشىلارىنا بەرىلەدى. ال قولا جۇلدەگە يە بولعان پالۋان عاني سەيدىلدايەۆ 3- ورىنمەن 10 مىڭ ا ق ش دوللارىن يەلەندى.

ال ءبىرىنشى ورىندى يەلەنەتىن جەڭىمپاز رۋسلان ءابدىرازاقوۆ پەن بەيبىت ىستىبايەۆ اراسىندا انىقتالادى. ول بويىنشا كۇمىس جۇلدەگەر، ياعني 2- ورىن - 30 مىڭ ا ق ش دوللارىن السا، «قازاقستان بارىسى-2015» اتاناتىن چەمپيونعا - 150 مىڭ ا ق ش دوللارى تىگىلگەن.

ايتۋلى دودانى ق ر پرەزيدەنتى نۇرسۇلتان نازاربايەۆ تاماشالاۋدا. بۇل تۋرنيردى قازاقستاننىڭ ۇلتتىق ارناسى مەن «Kazsport»، سونداي-اق تۇركيانىڭ «ت ر ت» ارناسى جانە رەسەيدىڭ «بوەتس» ارناسى دا تىكەلەي يەفيردە تاراتۋدا.

اۆتور: قانات مامەتقازى ۇلى