سايلاۋ-2015: قازاقستان پرەزيدەنتتىگىنە ق ك ح پ اتىنان ۇمىتكەر ت. سىزدىقوۆ استانادا ە گ ۋ ستۋدەنتتەرىمەن كەزدەستى
«بۇگىن باتىستىق قۇندىلىقتاردا رۋحاني دۇنيەلەر جوقتىڭ قاسى، ولاردىڭ تىنىس تىرشىلىگى ادەپتىلىكتەن ادا، جەڭىل پايداعا نەگىزدەلگەن. باتىس ەلدەرىندە قارا باستىڭ قامىن عانا ويلاۋ ءبىرىنشى ورىنعا شىعىپ، ءومىر سالتىنا اينالدى. وسىنىڭ بارلىعى دا سۇرەڭسىز ستاتيستيكالاردىڭ وسۋىنە الىپ كەلىپ وتىر. ايتالىق، باتىستا قازىر جالعىز باستى قارتتاردىڭ سانى ارتىپ كەلەدى، ال تۋۋ كورسەتكىشى كەرىسىنشە جىل ساناپ كەمي تۇسۋدە»، دەدى ءوزىنىڭ سوزىندە ت. سىزدىقوۆ.
سونداي-اق ول قالىڭ كوپشىلىكتىڭ نازارىن ەلىمىزگە كەرى اسەرىن تيگىزىپ وتىرعان جالعاندىققا نەگىزدەلگەن باتىستىڭ مادەنيەتىنە اۋداردى.
«باتىستىق كينەماتوگرافيادا ءوزىنىڭ مازمۇنى جاعىنان ەلىمىزدى قۇردىمعا اپاراتىن جايتتار دارىپتەلەدى. وندا جوعالعان قۇندىلىقتاردىڭ ورنى ۋايىم، قايعىسىز، الايدا بۇكىل ءمان-ماعىناسىن جوعالتقان، ادامگەرشىلىكتەن ادا ومىرمەن الماستىرىلادى. گولليۆۋدتىق تۋىندىلار ءوزىنىڭ ماقساتىڭا بارلىق قۇندىلىقتاردى اياققا تاپتاپ، شەكتەن تىس ارەكەتتەرگە بارىپ، ءوزىم بىلەرمەندىكپەن جەتۋدى ناسيحاتتايدى. ال كينوداعى شەكتەن تىس ايۋاندىق پەن قاتىگەزدىك يدەال دەڭگەيىنە دەيىنە كوتەرىلىپ، ءومىردى ىستەگەن ىسىڭە جاۋاپ بەرمەي سۇرە بەرۋگە بولادى دەگەن ۇعىم قالىپتاستىرادى. بارلىق باتىستىق فيلمدەردە دەرلىك ومىرگە تەك پايداكۇنەمدىكپەن قاراۋ بەلەڭ العان. ياعني، ادام ومىردەن ءوزىنىڭ جايلى ءومىر ءسۇرۋى ءۇشىن قاجەتتىنىڭ بارلىعىن الا بەرۋ كەرەك، ال رۋحاني دۇنيەگە وندا ورىن جوق. بارلىعى ماتەريالدىق قۇندىلىققا نەگىزدەلەدى»، - دەدى ول.
سونىمەن قاتار، ت. سىزدىقوۆ باتىستىق ۇلگىدە تاماقتانۋدىڭ دا تەرىس ىقپالى بار ەكەندىگى جونىندە ايتتى.
«ءبىر قاراعاندا، فاست- فۋد دەگەنىڭىز وتە ىڭعايلى ءارى ۇنەمدى. ءبىراق بىزگە وسىلاي تاماقتانۋدىڭ زيانى قانشالىقتى دەگەندى ويلاناتىن ۋاقىت جەتتى. فاست-فۋدتى وندىرۋگە نە ساتۋعا قۇرىلعان بيزنەس ونىڭ يەلەرىنە ساپاسى تومەن ۇلكەن ونىمدەردى پايدالانۋ ەسەبىنەن ۇلكەن تابىس اكەلەدى. مۇنداي زياندى تاعامعا ۇلكەن جارناما جاسالىپ، ءتۇرعىنداردى ونى ساتىپ الۋعا يتەرمەلەيدى»، - دەدى ت. سىزدىقوۆ.
كەزدەسۋ بارىسىندا كانديداتتىڭ سايلاۋالدى شتابىنىڭ جەتەكشىسى ايقىن قوڭىروۆ تا ءسوز سويلەدى. ول ت. سىزدىقوۆتىڭ سايلاۋالدى باعدارلاماسىندا كوتەرىلگەن ماسەلەلەردىڭ بارلىعى جان-جاقتى زەردەلەنگەنىن ايتتى. «بۇگىن ءبىز وتە ناتيجەلى كەزدەسۋ وتكىزدىك. ت. سىزدىقوۆ باتىس قۇندىلىقتارى مەن ستاندارتتارىنىڭ زيانى جونىندە ورىندى ماسەلە كوتەرىپ وتىر. ءبىز ءالى قازاقستاننىڭ كوپتەگەن ايماقتارىندا كەزدەسۋلەر وتكىزىپ، كومپيۋتەرلىك ويىندار مەن الەۋمەتتىك جەلىلەردىڭ زياندىعى جونىندە ايتپاقپىز»، - دەدى ا. قوڭىروۆ.
ءسوزىنىڭ سوڭىندا ق ر پرەزيدەنتتىگىنە كانديدات ت. سىزدىقوۆ ءوزىنىڭ سايلاۋالدى جۇمىس ناۋقانىنا قاتىستى ستۋدەنتتەر تاراپىنان قويىلعان ءبىرقاتار ساۋالدارعا جاۋاپ بەرىپ، شتابتىڭ الداعى جوسپارلارىمەن ءبولىستى.
